“Саха сирэ, инниҥ диэки!” өрөспүүбүлүкэтээҕи куонкурус саҕаланна
![](https://sakha-sire.ru/wp-content/uploads/2023/06/kuonkurus.jpeg)
Бу сыл от ыйын 1-30 күннэригэр “Саха сирэ, инниҥ диэки!” (“Якутия, вперед!”) каадыры бэлэмнээһиҥҥэ аналлаах өрөспүүбүлүкэтээҕи куонкуруска кыттыыга сайаапкалары ылыахтара.
Сайаапкалары куонкурус якутиявперед.рф саайтыгар ыытыллар. Куонкурус үс түһүмэҕинэн барыаҕа:
1 түһүмэх – куонкуруска кыттааччылартан сайаапкалары ылыы;
2 түһүмэх – кыттааччылары сыаналааһын уонна сүүмэрдээһин;
3 түһүмэх – куонкурус түмүктүүр түһүмэҕэ.
“Саха сирэ, инниҥ диэки!” өрөспүүбүлүкэтээҕи каадыр куонкуруһун ыытыы балаһыанньатын, бырагырааматын, “СӨ каадыр эрэсиэрбэлэрин единэй систиэмэтин туһунан” СӨ Ил Дарханын ыйааҕын сиһилии t.me/sakhagove манна көр.
“Саха сирэ, иннин диэки!” – бу элбэх салайааччы үөһэ тахсарыгар, идэлээх үлэһит быһыытынан үүнэригэр-сайдарыгар уонна саҥа саҕахтары арыйарыгар кыах биэрэр каадыр сүрүн куонкуруһа.
Өскөтүн эһиги салайарга бэлэм, бэйэҕит дьайыыгыт, олоххут уонна тулалыыр эйгэҕит туһугар эппиэтинэһи сүгэр лиидэр быһыытынан сананар, өрөспүүбүлүкэ, гражданнар, чугас дьоҥҥут, куораккыт уонна сэлиэнньэҕит олоҕун хаачыстыбатын тупсарарга бэлэм буоллаххытына, бу куонкурус эһиэхэ аналлаах! “Саха сирэ, инниҥ диэки!” каадыр өрөспүүбүлүкэтээҕи куонкуруһугар күүтэбит. Өрөспүүбүлүкэ хамаандатыгар киириҥ. Өрөспүүбүлүкэҕа наадалаах дьоҥҥут – Саха сирэ эһигини кэтэһэр.
Сообщить об опечатке
Текст, который будет отправлен нашим редакторам: