Салгыы
До выборов президента РФ
00 дней
:
00 часов
:
00 минут
:
00 секунд
Саха сирэ Кировскай куоракка эбийиэктэри чөлүгэр түһэрэр

Саха сирэ Кировскай куоракка эбийиэктэри чөлүгэр түһэрэр

16.08.2023, 10:00
Хаартыска: Ил Дархан пресс-сулууспата
Бөлөххө киир:

Донецкай Норуодунай Өрөспүүбүлүкэҕэ баар тирэх пууҥҥа иһитиннэрбиттэринэн, быйыл Саха сирин исписэлиистэрэ 28 эбийиэги өрөмүөннээтилэр.

«Ааспыт сыл балаҕан ыйыгар Арассыыйа саҥа эрэгийиэннэрин састаабыгар киирбит куораттары уонна сэлиэнньэлэри чөлүгэр түһэрии үлэлэрэ, биһиги байыастарбытыгар уонна кинилэр аймахтарыгар көмөбүт курдук, дьоһун суолталаах соругунан буолар. Бу соругу көдьүүстээхтик толорууттан саҥа сирдэр сайдыылара, олохтоохтор нус-хас олохторо тутулуктаах”, — диэн Ил Дархан Айсен Николаев эрдэ этэн турар.

Саха сирэ Кировскайы кыстыкка киирэргэ бэлэмниир, куоракка 6 уулуссаҕа тас уот ситимнэрин тутан бүтэрдэ, куорат балыыһатын куорпустарын хоруобуйатын, Шахтерскай уулуссаҕа кыбартаал иһигэр киирэр сирдэри уонна МФЦ дьиэтин  өрөмүөннээтэ. Балаҕан ыйыгар Албан аат аллеятын уонна “Кыайыы” култуура, сынньалаҥ пааркатын тупсарыыны түмүктээһин былааннанар. Ону таһынан куорат пааркатын тупсарыыга бырайыактыыр-смета докумуона оҥоһулунна.

Саха сирин дьоно 2 №-дээх оскуоланы тупсаран, Кировскай куорат 1 №-дээх оскуолатын чөлүгэр түһэрэн бүтэрэн эрэллэр.

Саха сирэ куорат коммунальнай сулууспаларыгар анал тиэхиньикэни, куорат балыыһатыгар “Газель” массыынаны атыыласта. Бу күннэргэ оҕо 4 уһуйаанын, Айар талааннаахтар дьиэлэрин уонна Култуура-сынньанар киини өрөмүөннээһиҥҥэ  бырайыактыыр-смета докумуонун бэлэмнииллэр. Кировскай куораты тупсарарга, саҥардарга генеральнай былаан оҥоһуллар.

Санатан эттэххэ, 2022 сылга Саха сирэ Кировскай куоракка  31 эбийиэги чөлүгэр түһэрбитэ. РФ бэрэсидьиэнэ Владимир Путин  сорудаҕынан Уһук Илин бары эрэгийиэннэрэ 8 босхоломмут сири-уоту чөлүгэр түһэрэргэ үлэлииллэр. Былырыын 300-чэ эбийиэги чөлүгэр түһэрбиттэрэ, быйыл 198 эбийиэккэ өрөмүөн үлэтэ бара турар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -30°C
  • Ощущается: -30°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: