Саха сирэ Кировскай куораты чөлүгэр түһэриигэ 2024 сыл бүтүөр диэри 1,8 млрд солкуобайы угуоҕа. Бу туһунан “ФедералПресска” биэрбит интервьютугар Айсен Николаев эттэ.
“Донецкай Норуодунай Өрөспүүбүлүкэҕэ, чуолаан, Кировскайга көмөлөһөр туһунан боппуруос турбутугар, биһиги көмөлөһөргө быһаарыммыппыт. Анал байыаннай эпэрээссийэ эппэрээсийэ иннинэ Донбасска көмөлөспүппүт уонна доҕордуу сыһыаны олохтообуппут. Билигин бу сирдэри-уоттары чөлүгэр түһэриинэн Кировскайга улахан үлэ ыытыллар. Биһиэхэ үс сылга бырагыраама баар, хас сыл аайы 600 мөл солк. угуохпут. Быйылгы көмөлөһөр бырагыраамабыт барыта туолла”, — диэн Айсен Николаев шефтэһэр куоратыгар көмө кээмэйин уонна инники былааннар туһунан боппуруоска хоруйдаата.
Өрөспүүбүлүкэ баһылыга этэринэн, Саха сирин исписэлиистэрин кыһамньыларынан Кировскайга 2 №-дээх оскуола толору саҥардылынна, уулуссалары аспааллаатылар, куораты сырдатыы үлэтэ ыытылынна. “Үгүс болҕомтобутун хомунаалынай хаһаайыстыбаҕа уунан хааччыйыыга уурдубут. Кэлэр сылларга Култуура дьиэтин өрөмүөнүгэр, уопсастыбаннай миэстэлэри тутууга, эргэ болуоссаттары чөлүгэр түһэриигэ улахан үлэни торумнуубут”, — диэн эбэн эттэ Николаев.
Санаттахха, Саха сирэ Донецкай Норуодунай Өрөспүүбүлүкэҕэ дьоҕус IT-кииннэри тутуоҕа. Бырайыагы олоххо киллэрии 2023 сылга Кировскайтан саҕаланыаҕа.
СИА.
Хаартыска: тустаах саайтан
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…