РФ бырабыыталыстыбата коммунальнай хаһаайыстыба эбийиэктэрин саҥардыыга саҥа киирбит бырайыакка 14 эрэгийиэн бырагырааматын бигэргэттэ. Ол иһигэр Саха сирэ биир бастакынан федеральнай бүддьүөттэн үбүлэниэҕэ.
РФ бырабыыталыстыбатын бэрэссэдээтэлэ Михаил Мишустин бэҕэһээ, тохсунньу 23 күнүгэр, ыыппыт мунньаҕар коммунальнай хаһаайыстыбаны сайыннарыы боппуруоһун көрдө. Быйыл РФ бэрэсидьиэнин дьаһалынан бу эйгэҕэ үбүлээһин саҥа көрүҥэ киирдэ. Кини иһитиннэрбитинэн, саҥа бырайыак эрэгийиэннэр коммунальнай инфраструктураларын сайыннарыыга төһүү буолуохтаах.
— Саҥа бырайыак тутуу эйгэтин уонна коммунальнай хаһаайыстыбаны сайыннарыы стратегиятын чэрчитинэн РФ бэрэсидьиэнин дьаһалынан оҥоһулунна. Бырагырааманы сүрүннээччинэн Сири-уоту сайыннарыы пуондата буолуоҕа. Эрэгийиэннэр бу пуонданы кытары үлэлэһэн, ОДьКХ инженернэй ситимнэрин саҥардыыга үбүлээһини ылыахтара, — диэн этэр премьер-миниистир.
Бу бырагыраама 2027 сылга диэри былааннанан турар. Быйыл уонна эһиил федеральнай бүддьүөттэн 130 млрд солкуобай көрүллүөхтээх. Бу күннэргэ РФ бырабыыталыстыбатын эрэгийиэннэр сайдыыларыгар хамыыһыйата бырагыраамаҕа киирсибит бастакы 14 эрэгийиэни талла.
— Билигин бэлэмнэнии үлэтэ бара турар. Эрэгийиэннэр Сири-уоту сайыннарар пуонданы кытары бэйэлэрин бырагыраамаларын оҥороллор. Бырагырааманы оҥорууга саахалланар туруктаах инженернэй ситимнэргэ ордук болҕомто уурулунна. Бу саҥа бырайыак чэрчитинэн бүддьүөттэн бастакы 30 млрд солкуобай көрүлүннэ, ону сэргэ 14 эрэгийиэн бырагырааматын бигэргэттибит, кинилэргэ барыта 16 млрд солкуобай барыаҕа, — диэн иһитиннэрэр мунньах кэмигэр вице-премьер Марат Хуснуллин.
Кини иһитиннэрбитинэн, үбүлээһини Адыгея, Башкортостан, Кабардино-Балкария, Марий Эл, Алания, Тыва, Саха Өрөспүүбүлүкэлэрэ, ону таһынан Хабаровскай кыраай, Астрахань, Иркутскай, Липецкай, Самара, Тамбов уобаластара уонна Ямал-Ненецкай автономнай уокурук ылыахтара.
Бу сыл от ыйын 1 күнүттэн элбэх оҕолоохтор уонна биэнсийэлээх дьон олох-дьаһах хомунаалынай хаһаайыстыба өҥөтүн…
Мииринэй Удачнай куоратыгар уонна Айхал бөһүөлэгэр "Мин биисинэһим" киин исписэлииһэ Наталья Константинова урбаанньыттарга анаан уонна…
Куруук үөрэ-көтө, мичээрдии сылдьыбыт оҕо сааспыт доҕоро, үөрэппит оҕом Ньургустаан Корнилов бүгүн, ыам ыйын 3…
Ыам ыйын 3 күнэ үүнэр түүнүгэр, бөөлүүн, Сунтаарга дьүкээбил уота суһумнуу умайда. Бу дьикти кэрэ…
Ыам ыйын 2-3 күннэригэр Дьокуускай куоракка оптуобустар сырыыларын көрдөрөр "Умный транспорт" сыһыарыы үлэтэ сороҕор хааччахтана…
Бүгүн, ыам ыйын, 3 күнүгэр СӨ үөрэх уонна наука миниистирэ Нюргуна Соколова FM 107,1 «Тэтим» Саха…