Саха сирэ креативнай экэниэмикэ сайдыытыгар бастыҥын бигэргэтэр

Саха сирэ Арассыыйаҕа креативнай экэниэмикэ биир бастыҥ киинин быһыытынан туругун салгыы бөҕөргөтөр. Бу туһунан Ил Дархан Айсен Николаев айар урбаан уонна креативнай индустрияны өйөөһүн сайдыытын стартегическай суолтатын бэлиэтээн эттэ.

“Биһиги улахан болҕомтону креативнай экэниэмикэ сайдыытыгар, урбаан айар кыаҕын олоххо киллэриигэ уурабыт. Өрөспүүбүлүкэҕэ дойду биир бастыҥ креативнай индустрияны өйүүр систиэмэ тэриллибитэ: айар кластердар, АйТи-паарка, акселерационнай бырагыраамалар уонна үөрэх бырайыактара үлэлииллэр. Ол гынан баран, саамай сүрүнэ былааһы кытта бииргэ үлэлэһэр, бэйэлэрин дьыалаларыгар эрэнэр күүстээх дьон холбоһуга баар буолла” – диэн Ил Дархан бэлиэтээтэ.

Бу хайысхаҕа суолталаах тэрээһининэн “Сделано на Дальнем Востоке” норуотар икки ардыларынааҕы креативнай идустрия 2 пуорума буолбутун ыйда. Пуорум Арассыыйа 39 эрэгийиэнин уонна 6 дойдутун түмэн, олоҕурбут уонна тэйиччиттэн көрүҥнэринэн 7 тыһ. тахса киһи кытынна.

Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.