Хаартыска: Дьокуускай дьаһалтатын телеграм-ханаалыттан.
Саха сирэ 2019 сылы кытта тэҥнээтэххэ, куорат эйгэтин хаачыстыбата саамай күүскэ үрдээбит эрэгийиэннэрин кэккэтигэр киирдэ.
“Арассыыйа тутуутун министиэристибэтин саайтыгар тахсыбыт Бүтүн Арассыыйатааҕы түмүгүнэн, 2019 сылы кытта тэҥнээтэххэ, куорат эйгэтин хаачыстыбата саамай үрдээбит куораттарын Саха, Чечня, Хотугу Осетия-Алания өрөспүүбүлүкэлэрэ, Свердловскай, Москва, Тульскай, Рязанскай, Челябинскай уонна Калининградскай уобаластар, ону тэҥэ, Ставропольскай кыраай, Татарстан Өрөспүүбүлүкэтэ уонна Ханты-Мансийскай автономнай уокурук, Крым Өрөспүүбүлүкэтэ киирбиттэр”, – диэн Ил Дархан иһинэн архитектура уонна градостроительство управлениетын салайааччыта Любовь Папок иһитиннэрдэ.
“2018 сыл түмүгүнэн бастакы индекс суоттааһынын саҕаланыытыгар Саха сирин 13 куоратыттан биир даҕаны куорат киирбэтэҕэ. 2020 сыллаахха бу испииһэккэ Дьокуускай уонна Нерюнгри киирбиттэрэ, онтон 2023 сыллаахха Удачнай хапсыбыта. Онон куорат эйгэтин хаачыстыбатын таһымын көрүүгэ бары кэмҥэ Саха сирин 13 куоратыттан испииһэккэ Дьокуускай, Нерюнгри, Удачнай киирбиттэрэ” – диэн кылаабынай архитектор бэлиэтээтэ.
Ааспыт сыл түмүгүнэн бастакы көрдөрүүнү кытта тэҥнээтэххэ индекс үрдээһинэ Саха сирин бары куораттарыгар бэлиэтэнэр. Дьокуускай, Томмот, Өлүөхүмэ, Покровскай уонна Ньурба куораттарга индекс 70-тан үөһэ баалга диэри үрдээбит, Бүлүү, Удачнай, Верхоянскай уонна Нерюнгри – 60-тан үөһэ, Алдан уонна Ленскэй — 50-тан тахса баалга.
Индекс тупсарыыны, куттал суох буолуутун, инфраструктураны, экологияны, куорат эйгэтин эгэлгэтин уонна аныгытын, ону тэҥэ, муниципальнай салайыы көдьүүстээҕин быһаарар барыта 36 сүрүн көрдөрүүнэн оҥоһуллубут.
Ил Дархан уонна Бырабыыталыстыба пресс-сулууспата.
Таһырдьа сааскылыы ылааҥы күннэр саҕаланнылар. Кэбээйи улууһун Сииттэ нэһилиэгэр астына-дуоһуйа сибиэһэй салгыҥҥа оонньоору-көрүлээри кырачаан уолаттар…
Кэлин уопсастыба майгыта, бэйэ-бэйэтигэр сыһыана сатарыйда дии санаабаккыт дуо? Кынчарылла туран саастааҕын, үйэ аҥаара эрдэлээн…
СӨ Бырабыыталыстыбатын бэрэссэдээтэлин солбуйааччы Сергей Местников Историктар уонна кыраайы үөрэтээччилэр сойуустарын бастакы уопсастыбаннай бириэмийэлэрин туттарда.…
Бу күннэргэ Амма улууһун Эмис нэһилиэгин киин куоракка ыытыллар күнүн чэрчитинэн бэрт дириҥ ис хоһоонноох…
РФ Бэрэсидьиэнэ Владимир Путин Дьокуускай төрүттэммитэ 400 сылын бэлиэтиир бырааһынньыгы 2032 сыллаахха ыытар туһунан ыйаахха…
Өссө 1894 сыллаахха туруоруллубут «Сильва» опереттаны венскэй оперетта ситэри сыаналамматах жанрынан ааттыыллар. Ол да иһин,…