Хаартыска -- Андрей Сорокин /СИА
Ыам ыйын 26 күнүгэр Ил Дархан Айсен Николаев уонна өрөспүүбүлүкэ бөдөҥ урбаанньыттара РФ Бэрэсидьиэнэ Владимир Путин Бүтүн Арассыыйатааҕы «Дьыалабыай Арассыыйа” уопсастыбаннай тэрилтэ чилиэннэрин кытта көрсүһүүтүгэр куйаар ситиминэн кытттыыны ыллылар.
РФ Бэрэсидьиэнэ Владимир Путин «Дьыалабыай Арассыыйа» уопсастыбаннай тэрилтэ Федерация субъектарын, муниципалитеттар салайааччыларын кытта ыкса сибээстээхтик үлэлиирин, эрэгийиэннээҕи инвестиционнай стандарт үлэҕэ киириитин көхтөөхтүк сүрүннүүрүн бэлиэтээтэ.
«Дойду дьоҕус уонна орто биисинэһэ арҕаа дойдулар бренд буолбут ырыынактарын көхтөөхтүк баһылаан, бэйэ бородууксуйатын, оҥорон таһаарыытын сайыннарарга ылыстылар. Дойдубут хампаанньалара баар кыаҕы эрэллээхтик туһанан, бэйэлэрин табаардарын уонна өҥөлөрүн тупсардылар уонна оҥорон таһаарыыларын үрдэттилэр, онон атын дойдулары баһыйаллар да диэххэ сөп», — диэн бэлиэтээтэ дойду баһылыга.
Судаарыстыба баһылыга ырыынак ис тутулунан эрэ олорор сатабыла суоҕун, сонун өрүттэри тобулуохха наадатын бэлиэтээтэ. Ол курдук, Азия, Африка, Латинскай Америка курдук дойдулар табаар, өҥө, технология саҥа сайдар суолларын көрдүүллэрин, байыталларын холобурдаата. Маныаха Саха сирин кыаҕа бэлиэтэннэ. Азия-Тиихэй акыйаан эрэгийиэннэрэ атыы-эргиэн ырыынагын Хотугу муора суолунан сайыннарарга өрөспүүбүлүкэ суолтата сүҥкэнин өйдүүллэр.
Саха сирин Аҕа баһылыга Айсен Николаев «сыл аайы 10-15 млрд солк. диэри геологическай-сырьевой базаны тэтимнээхтик хаҥатыыга пилотнай эрэгийиэн буолар кыахтаахпыт» диэн көҕүлээтэ. Бу этиини дойду салалтата биһирии ылынна. Айсен Николаев этэринэн, маннык былааны олоххо киллэрии чугастааҕы 15 сыл устата 1 трлн солкуобайтан тахса нолуок үбүн хааччыйыаҕа, 15 тыһыынча кэриҥэ саҥа үлэ миэстэтин таһааран, эрэгийиэҥҥэ 2,5 трлн солк. инвестицияны тардар кыах баар.
Дойду Бэрэсидьиэнэ «Дьыалабыай Арассыыйа» уопсастыбаннай тэрилтэ чилиэннэрин кытта көрсүһүүтүгэр Москваҕа кэлэ сылдьар тэрилтэ актыыбын таһынан, куйаар ситиминэн Арассыыйа 89 субъегыттан тыһыынчаттан тахса предприниматель кытынна.
Урбаанньыттар дойду Бэрэсидьиэнин Владимир Путины кытта көрсүһүүгэ бэйэ бородууксуйатын оҥорон таһаарар усулуобуйаны тэрийиигэ сонун этиилэрин киллэрдилэр. Кинилэр ыйытыыларыгар РФ Бырабыыталыстыбатын чилиэннэрэ уонна федеральнай миниистирдэр уонна биэдимистибэлэр салайааччылара тустаах хоруйу биэрдилэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…