Хаартыска: SakhaGov
СӨ бырабыыталыстыбатын бэрэссэдээтэлин солбуйааччы Анатолий Семенов “Биир ньыгыл Арассыыйа” баартыйа генеральнай сэбиэтин сэкирэтээрэ Владимир Якушев уонна Арассыыйа үөрэхтээһиҥҥэ миниистирэ Сергей Кравцов хос бэрэссэдээтэллээх селекторнай мунньахха кытынна.
Мунньахха дойдуга барытыгар үөрэх тэрилтэлэрин олохтоохтук өрөмүөннээһин уонна тутуу боппуруостарын дьүүллэстилэр.
Анатолий Семенов бэйэтин дакылаатыгар Саха сиригэр үөрэх инфраструктуратын сайыннарарга биллэр сайдыы баарын бэлиэтээтэ. 2022 сылтан өрөспүүбүлүкэҕэ “Үөрэхтээһин” уонна “Демография” национальнай бырайыактар чэрчилэринэн 23 оскуола уонна 25 оҕо уһуйаана аһылынна, 110 оскуолаҕа олохтоох өрөмүөн оҥоһулунна. 2025-2027 сылларга “Ыччат уонна оҕолор” уонна “Дьиэ кэргэн” саҥа национальнай бырайыактар чэрчилэринэн 3 оскуола уонна 4 уһуйаан тутуллаллара былааннанар.
Уопсайынан, 2030 сылга диэри Дьокуускай куорат маастар-былаанынан 12 оскуоланы уонна 18 уһуйааны тутуу былааннанар. Национальнай бырайыактар чэрчилэринэн, эбии 20 оскуола, 14 уһуйаан уонна 4 орто идэлээх үөрэх тэрилтэтэ өрөмүөннэниэхтэрэ.
Ураты болҕомто орто идэлээх үөрэхтээһин тэрилтэлэрин материальнай-тиэхиньиичэскэй базаларын тупсарарга ууруллуоҕа. Онуоха Ил Дархан Айсен Николаев сорудаҕынан эрэгийиэн бүддьүөтүттэн үп көрүллүөҕэ.
Сергей Кравцов Арктика усулуобуйатыгар үөрэхтээһин бырайыактарын олоххо киллэрии үрдүк таһымнааҕа өрөспүүбүлүкэ үөрэх эйгэтигэр дьоһуннаах кыһамньытын уурарын көрдөрүн бэлиэтээтэ.
Анатолий Семенов миниистиргэ үлэни үрдүктүк сыаналаабытыгар махтанна уонна Саха сирэ оҕолору үөрэтиигэ уонна сайыннарыыга үчүгэй эйгэни хааччыйар туһугар үөрэхтээһин инфраструктуратын сайыннарыыга салгыы көхтөөхтүк үлэлиирин бэлиэтээн эттэ.
Саха сирин Ил Дарханын уонна бырабыыталыстыбатын пресс-сулууспата
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…