Хаартыска: Андрей Сорокин, СИА
Саха сирэ Бэрэсидьиэн национальнай бырайыактарын үбүлээһин таһымынан ТОП-5 эрэгийиэн иһигэр киирдэ. Бу туһунан Ил Дархан Айсен Николаев “Прямой разговор” биэриигэ кэпсээтэ.
“Саха сирэ нацбырайыактары олоххо киллэриигэ ылбыт үбүн кээмэйинэн дойду биэс эрэгийиэнин иһигэр киирдэ. Бу үтүө түмүктэри ситиһэргэ көмөлөстө. Өрөспүүбүлүкэ доруобуйа харыстабылын сайдыытыгар, үөрэҕириигэ, физкультуураҕа уонна успуорка, саахалланар туруктаах олорор дьиэ пуондатытан көһөрүүгэ, тырааныспар инфраструктуратын тутууга үрдүк түмүктэри бэйэтин устуоруйатыгар аан бастаан уонна ол иһигэр эрэгийиэн сэбиэскэй кэмигэр ситистэ», — диэтэ Айсен Николаев. Кини ону тэҥэ Дьокуускай, Нерюнгри маастар-былааннарын уонна Тиксии-Найба агломерациятын Арассыыйа национальнай бырайыактарыгар киллэрии дьоһун суолталааҕын бэлиэтээтэ.
“Арассыыйа Федерациятын национальнай бырайыактарыгар Уһук Илин куораттарын маастар-былааннарын тэрээһиннэрдээх разделлары киллэриэхтэрэ. Маннык сорудаҕы Арассыыйа Бэрэсидьиэнэ Владимир Путин ахсынньы 5 күнүгэр Стратегическай сайдыы уонна национальнай бырайыактар сэбиэттэрин мунньаҕын кэмигэр быһаччы сорудахтаата. Уһук Илин олохтоохторугар бу Уһук Илин куораттарын уонна Арктика тирэх пууннарын Арассыыйа Бэрэсидьиэнинэн олохтоммут кэмҥэ толору кээмэйинэн олоххо киллэрэргэ мэктиэлиир”, — диэтэ Саха сирин баһылыга Айсен Николаев.
Санаттахха, Арассыыйа Бэрэсидьиэнин сорудаҕынан Уһук Илин 25 куоратыгар маастар-былаан торумнаммыта. 2023 сыл ахсынньы ыйга бырабыыталыстыба Арктика 16 тирэх нэһилиэнньэлээх пуунун быһаарбыта.
2025 сылтан 2030 сылга диэри бу куораттар маастар-былааннарын олоххо киллэриигэ РФ Бырабыыталыстыбата хайы-үйэ көрүллүт 100 млрд тахса солк. илимиити таһынан биэриэҕэ. Бу сыалга эбии 30 млрд солк. көрүлүннэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Дьокуускай олохтооҕо буомба иитиллибитин туһунан сымыйа иһитиннэриини тарҕатан буруйдааҕынан ааҕылынна. 41 саастаах эр киһиэхэ холуобунай…
Ставропольскай кыраай олохтооҕо бэрик биэрбитинэн уопсай эрэсиимнээх холуонньаҕа тоҕус сылга көҥүлэ быһылынна. Суут Нерюнгрига буолла.…
Үөһээ Бүлүү улууһун баһылыга Валерий Николаев тыа хаһаайыстыбатын салалтатын кытта эһиилгиттэн олоххо киирэр боппуруостары дьүүллэстэ.…
Саха сиригэр Кыһыл кинигэҕэ киирбит 11 хатыыһы бултаан омук гражданина буруйданна. Бу туһунан ахсынньы 16…
“Ыллаа-туой, тыам сирэ!” өрөспүүбүлүкэтээҕи бырайыак чэрчитинэн ырыаһыт, ырыа айааччы Валерий Ноев төрөөбүтэ 85 сылын, үбүлүөйдээх…
РФ Үлэҕэ, социальнай сайдыыга миниистирэ Антон Котяков ахсынньы 28 күнүгэр үлэ күнэ кылгас буолуон сөп…