Хаартыска: ЯСИА, Мария Васильева
2025 сылга оҕолоох дьиэ кэргэттэри социальнай өйөөһүҥҥэ үбүлээһин кээмэйэ федеральнай уонна өрөспүүбүлүкэ бүддьүөттэрин суотугар 29,4 млрд солк. тэҥнэстэ. Бу туһунан Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
“Дьиэ кэргэн” өрөспүүбүлүкэтээҕи ийэ хапытаалынан үһүс уонна онтон өссө оҕоломмут ыалларга 469 мөл. солк. тахса ыытылынна, “Дети столетия” тус сыаллаах хапытаалынан – 522 мөл. солк. кэриҥэ, сир учаастагын оннугар биир кэмнээх харчынан төлөбүргэ 500 мөл. солк. кэриҥэ.
“Бүддьүөккэ хааччахтааһыннар кэмнэригэр биһиги оҕолоох дьиэ кэргэттэри үбүлээһин боппуруостарын кытта көрүстүбүт, чуолаан, “Дети столетия” тус хапытаал, “Дьиэ кэргэн” ийэ хапытаалын, сир учаастагын оннугар уу харчынан биэриигэ сыһыаннаах”, – диэтэ вице-премьер.
Кини төһө да ыарахаттар баалларын үрдүнэн, өрөспүүбүлүкэ ылыммыт эбэһээтэлистибэлэрин толоруо диэн эрэннэрдэ.
Саха Өрөспүүбүлүкэтин Бырабыыталыстыбата, Үбүн министиэристибэтэ билигин дьиэ кэргэттэри социальнай өйүүрү хааччыйыыга эбии үбү көрдүүллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/12252
Ньурба улууһугар М.С.Егоров аатынан 1-кы №-дээх оскуолаҕа бастакы кылаас үөрэнээччитэ халтарыйан охтон эчэйбит. Ньурба улууһун…
Маринуйдаммыт хаппыыста Туох ирдэнэрий: хаппыыста – 5 киилэ, эриэппэ луук – 1 киилэ, моркуоп –…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолар. 23…
2025 сылга 2 тыһыынча кэриҥэ элбэх оҕолоох ыаллар босхо сир учаастагын оннугар харчынан төлөбүрү ыллылар…
Бэҕэһээ-бүгүн Хаҥалас улууһун Хоточчутугар оройуоннааҕы лесничество кэлэктиибэ Егоровтар тиэргэннэрин олбуорун саҥардаллар. 10-тан тахса киһи хара…
Бүгүн Экология министиэристибэтин үлэһиттэригэр Дьокуускай куорат олохтооҕо Ш.М. Нигматов сибээскэ тахсан, ГРЭС территориятыгар Өлүөнэ өрүскэ …