Саха сирэ ойууру чөлүгэр түһэриигэ бастыҥ буолла

«Рослесхоз» официальнай саайтыгар ойуур култуураларын олордуутун сезонун түмүгэ таҕыста. Саха сирэ дойду бары эрэгийиэннэрин ортотугар лидеринэн буолла.

Өрөспүүбүлүкэҕэ уопсайа 203,5 тыһ. гектар иэннээх сиргэ ойууру чөлүгэр түһэрии үлэлэр ыытыллыбыттар. Ону тэҥэ ТОП-5 иһигэр киирбит эрэгийиэннэр көрдөрүүлэрэ Саха сириттэн намыһах. Иркутскай уобаласка  — 181,8 тыһ. гектарга ойууру чөлүгэр түһэрбиттэр, Красноярскай кыраайга — 160,4 тыһ. гектар иэннээх сиргэ, Вологодскай уобаласка — 89,8 тыһ., Архангельскай уобаласка — 76,7 тыһ.

«2024 сылга Саха сиригэр тыаны чөлүгэр түһэрэр тэрээһиннэрэ уопсайа 203,5 тыһ. иэннээх сиргэ ыытыллыбыт, мантан 1,7 тыһ. гектары чөлүгэр түһэрии судаарыстыба сакааһынан, арендатордарынан — 0,6 тыһ. гектарга, о.д.а», — диэн Экологи министиэристибэтигэр иһитиннэрдилэр. Маны таһынан, ойууру чөлүгэр түһэрии сыллааҕы былаана 107,5% туолбут.