Хаартыска: www.sakha.gov.ru/news
Норуоттар икки ардыларынааҕы AI Journey 2025 кэмпириэнсийэ иитинэн “Оҥоһуу өй лидердэрэ” оҥоһуу өй технологияларын сайыннарыыга кылааттарын иһин национальнай бириэмийэни туттарыы үөрүүлээх тэрээһинэ буолан ааста. Бириэмийэни оҥоһуу өйү олоххо киллэрэр, толкуйдаан таһаарар эдэр учуонайдарга, хампаанньаларга уонна эрэгийиэннэргэ туттардылар.
“Оҥоһуу өй өҥөтүн оҥоруу иһин” номинацияҕа кыайыылааҕынан “Киберзащитник в кармане” оҥоһуу өй ассистеннаах, дьону сыыппара кутталыттан көмүскүүр мобильнай сыһыарыы бырайыактаах Саха сирэ кыайыылааҕынан буолла. Бу тиэкиһи, хартыынаны анаалыстыыр, саарбах сигэлэри, көрүҥнэри билэр, дьоҥҥо түөкүттэр төлөпүөннүүллэрин, суруйалларын сэрэтэр.
“Оҥоһуу өс технологиятын көхтөөхтүк сайыннарар эрэгийэннэр ахсааннара эбиллэн иһэр. Үс сыл анараа өттүгэр 24 субъект этэ, билигин номнуо 37. Эрдэ 43 сайаапка этэ, билигин — 100-тэн тахса. Бу улахан сайдыы, тэтим, инникигэ хардыы. Быһаарыылара эмиэ уустугуран иһэр: өскөтүн эрдэ сүрүннээн саҥанан көмө уонна чат-бот эбит буоллаҕына, күн бүгүн – уустук систиэмэ, сүбэһит, докумуону бэлэмнээһин, эрэгийиэннэри салайыы, мэдиссиинэ быһаарыыта. Бу оҥоһуу өй технологиятын туһанан көхтөөхтүк сайдарга сирдиир” – диэн дьүүллүүр сүбэ бэрэссэдээтэлэ, РФ Бэрэсидьиэнин ИКТ сайдыыга уонна сибээс инфраструктуратыгар управление начаалынньыга Татьяна Матвеева этэр.
Саха сирин аатыттан наҕарааданы Ил Дархан Айсен Николаев ылла. Кини эрэгийиэн бастакы эрээри, оҥоһуу өй салаатыгар бигэ хардыылары оҥорорун бэлиэтээтэ итиэннэ бииргэ үлэлэһэр тэрилтэлэригэр – Сберга, М.К.Аммосов аатынан Хотугулуу-Илиҥҥи федеральнай университекка махталын биллэрдэ.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…