Саха сирэ пилота суох технологиялар кииннэрин тэрийиигэ 554 мөл солк. ылыаҕа

Саха сирэ гражданскай пилота суох авиация систиэмэлэрин технологияларын сайыннарыы эйгэтигэр боруобалааһыҥҥа уонна компетенцияларга научнай-производственнай киини тэрийиигэ 554 мөл солкуобайы ылыаҕа.

Үбү биэрэр туһунан быһаарыы “Пилота суох авиация систиэмэлэрэ” саҥа национальнай  бырайыакка киирэр “«Разработка, стандартизация и серийное производство БАС и комплектующих” федеральнай бырайыак чэрчитинэн ылыллыбыта.

Премьер-миниистир Михаил Мишустин илии баттаабыт уурааҕынан Саха сиригэр 554,834 мөл солкуобайы биэриэхтэрэ. Бу үп-харчы пилота суох көтөр аппарааттар эйгэлэригэр технологиялары сайыннарыыга туһаныллыахтара.

Үбүлээһин Арассыыйа сэттэ эрэгийиэнин өйөөһүн чэрчитинэн киириэҕэ. Саха сирин тэҥэ үбү Каабардино-Балкарскай Өрөспүүбүлүкэ, Пермь кыраайа, Нижегордскай, Новгород, Оренбург уонна Тула уобаластара ылыахтара.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата