Хаартыска СӨ Баһылыгын уонна Бырабыыталыстыбатын пресс-сулууспатыттан
Олунньу 8 күнүгэр «Россия» норуоттар икки ардыларынааҕы быыстапка-пуорумҥа «Экология» национальнай бырайыакка аналлаах тематическай күн буолан ааста.
Ону сэргэ быыстапкаҕа экология уобалаһыгар национальнай ситиһиилэр пуорумнара ыытылынна. Бу тэрээһиҥҥэ СӨ Экология, айылҕаны туһаныы уонна ойуур хаһаайыстыбатын министиэристибэтин Ууга сыһыаннаһыыларга уонна экологическай сырдатыыга департаменын салайааччытын солбуйааччы Владислав Велигура кытынна.
Пуорум дьыалабыай бырагырааматыгар кэнники алта сылга судаарыстыбаннай бырайыактары олоххо киллэрии түмүгүнэн экология эйгэтигэр көдьүүстээх быһаарыылары уонна дьоһун ситиһиилэри көрдөрүү буолла. Сүрүн судаарыстыбаннай соруктары толоруу туһунан вице-премьердэр уонна тустаах министиэристибэлэр салайааччылара иһитиннэрдилэр.
Тематическай күн чэрчитинэн, Саха сирин истиэндэтигэр оҕолорго аналлаах тэрээһиннэр ыытылыннылар. Оҕолор Саха сирин ураты айылҕатын уонна тулалыыр эйгэтин туһунан викториналарга кытыннылар. Ону сэргэ «Россия» быыстапкаҕа Саха сиригэр Кыһыл кинигэҕэ киирбит кыыллары уруһуйдаттылар. Оҕолорго бизоннар, эһирдэр уратыларын, Саха сиригэр кыыллары харыстааһын туһунан кэпсээтилэр уонна өрөспүүбүлүкэ экологиятын туһунан ролигы көрдөрдүлэр.
«Россия» быыстапкаҕа биһиги Кыһыл кинигэҕэ киирбит кыыллары-көтөрдөрү судаарыстыба өттүттэн хайдах харыстанарын уонна Саха сиригэр балар ахсааннарын хайдах чөлүгэр түһэрэрбит туһунан кэпсээтибит. Бу сэлиини кытары саастыы – овцебыктар уонна бизоннар. Ааспыт үйэ бүтүүтэ кинилэри историческай дойдуларыгар төннүннэрэн аҕалбыттара. 196 төбө овцебыгы аҕалбыт буоллахтарына, билигин номнуо 5 тыһыынчаҕа диэри тиийдэ. 30 бизон аҕалыллыбыта, билигин хайыы-үйэ 340-тан таҕыста. Сөбүлэһии чэрчитинэн биһиги кинилэри атын эрэгийиэҥҥэ ууһатыыга биэрэбит. Магадаан уобалаһа номнуо ылла», – диэтэ Владислав Велигура.
Санатан эттэххэ, дойду Бэрэсидьиэнэ Владимир Путин бүтүн ХХІ үйэҕэ Уһук Илин сайдыытын национальнай приоритетынан биллэрбитэ. «Россия» быыстапкаҕа федеральнай уокурук бары эрэгийиэннэрэ бэйэлэрин ситиһиилэрин көрдөрөллөр. «Россия» аан дойдутааҕы быыстапка-пуорум Арассыыйа Бэрэсидьиэнэ Владимир Путин сорудаҕынан 2023 сыл сэтинньи 4 күнүттэн ыытыллар.
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…