Хаартыска: Мария Васильева, СИА.
Саха сирэ “Рождение ребенка” суперсервиһи туһанан саҥа төрөөбүт оҕону бэлиэтэттэрии ахсаанынан Уһук Илин уокурукка инники сылдьар итиэннэ дойду үрдүнэн 18 миэстэҕэ турар. Бу туһунан “Якутия 24” ханаал “Актуальное интервью” биэриитигэр Саха сиринээҕи ЗАГС управлениетын салайааччыта Дария Слепцова кэпсээтэ.
“Рождение ребенка” суперсервис нөҥүө саҥа төрөөбүт оҕону бэлиэтэтии 2023 сыллаахха 36% этэ, ааспыт 2024 сылга 60% диэри тиийдэ. Бу күннэргэ өссө биир суперсервис үлэлээтэ – “Утрата близкого человека”, бу сервис көмөтүнэн тэрилтэҕэ тиийбэккэ эрэ докумуон сорох чааһын онлайн оҥорторуохха сөп. Холобур, киһи өлбүтүн туһунан судаарыстыбаннай регистрация туһунан сибидиэтэлистибэни ылыы, көмүүгэ көрүллэр социальнай босуобуйаҕа, булгуччулаах социальнай страховкалааһын төлөбүрүн ылыыга сайабылыанньалары онлайн ыытыахха сөп” – диэн салайааччы быһаарар.
Ону тэҥэ, Дария Слепцова 2025 сыл кулун тутар 1 күнүттэн МФЦ-лар оҕо төрөөбүтүн уонна дьон өлбүтүн туһунан бэлиэтиир бырааптаныахтарын санатта. Билигин ЗАГС уонна МФЦ тустаах өҥөнү олоххо киллэрээри, өрөспүүбүлүкэ пилотнай улуустарыгар бэлэмниир үлэни ыыталлар.
Управление салайааччыта этэринэн, былырыын ЗАГС уорганнарыгар араас өҥөнү ылар соруктаах 80 тыһ. тахса киһи сылдьыбыт, суруйбут.
Бу туһунан Ил Дархан уонна Бырабыыталыстыба пресс-сулууспата суруйар.
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…