Саха сирэ «Сад памяти» улахан аахсыйаҕа кыттыаҕа

Саха сирэ сыл ахсын Арассыыйа үрдүнэн ыытыллар улахан аахсыйаларга көхтөөхтүк кыттар.

«Сад памяти»  норуоттар икки ардыларынааҕы аахсыйа үөрүүлээх аһыллыытын сиэрэ- туома ыам ыйын 31 күнүгэр Алдан улууһун Томмот куорат «Укулаан»  сынньанар зонатыгар күнүс 14:00 чаастан ыытыллыаҕа. Бу туһунан Экология министиэристибэтэ иһитиннэрэр.

Бу күн күнүс 15:00 чаастан Алдан лесничествотын уонна Томмот учаастактааҕы лесничество территориятыгар 4,5 тыһ. Кореятааҕы кедр маһын олордуохтара.  Аахсыйа сэбиэскэй норуот историческай өйүн-санаатын харыстааһыҥҥа суолталанар.

Тэрээһин Российскай Федерация Тыатын хаһаайыстыбатын, айылҕа ресурсаларыгар уонна экологияҕа федеральнай ааҕыныстыбатын өйөбүлүнэн ыытыллар. Тэрийээччилэринэн  Бүтүн Арассыыйатааҕы «Кыайыы Волонтердара» уопсастыбаннай хамсааһын уонна Кыайыы полководецтарын пуондата буолаллар. Аахсыйаҕа кыттарга https://xn--2024-43da1a7a9a2atr2o.xn--p1ai/ саайка регистрацияны ааһыахха наада.