Хаартыска: www.sakha.gov.ru
Саха сирэ сайыҥҥы сынньалаҥ кэмигэр бэс ыйыттан балаҕан ыйыгар диэри Донецкай Норуодунай Өрөспүүбүлүкэ Докучаевскай куорат уокуругун 500 оҕотугар сайыҥҥы сынньалаҥы уонна доруобуйатын бөҕөргөтүүнү тэрийдэ.
Үөрэх уонна билим министиэристибэтигэр иһитиннэрбиттэринэн, оҕолор Краснодарскай кыраай Туапсе оройуонун Ольгинка бөһүөлэгэр сынньаннылар, доруобуйаларын тупсарыннылар.
Оҕолорго анаан успуорт тэрээһиннэрин, айар дьарыктары ыыттылар, аралдьытар бырагыраамалары, экскурсиялары тэрийдилэр.
Ону тэҥэ, Оҕо көмүскэлин күнүгэр куорат кырачаан олохтоохторугар А.С.Пушкин аатынан култуура дьиэтин “Экстра-Синема” киинэ аныгы тэрилигэр “Муҥха” уонна “Тымныы оҕуһа” сахалыы ойуулуктары көрдөрдүлэр.
Докучаевскай куорат, Еленовка куораттыы типтээх бөһүөлэк, Андрееевка сэлиэнньэ 8 оскуолатыгар оҕо билиитин-көрүүтүн хаҥатар кинигэлэри туттардылар. Оҕону сайыннарар, аралдьытар оонньуулары итиэннэ Докучаевскай 27-с нүөмэрдээх анал интэринээт-оскуолатытыгар күннэтэ тутталларыгар пылесос биэрдилэр.
Үлэлиир бөлөх туспа, 6 бөлөхтөөх, ол иһигэр ураты ирдэбиллээх оҕолор сылдьар саамай улахан оскуола иннинээҕи үөрэхтээһин тэрилтэтигэр – 11-с нүөмэрдээх дьааһыла-уһуйааҥҥа оонньуурдары бэлэхтээтэ.
Үөрэх дьылын саҕаланыыта үөрэх тэрилтэлэригэр мэдиссиинэ аптечкаларын атыыластылар.
Докучаевскай уонна Саха сирин “Бастакылар хамсааһыннарын” салаалара телемост нөҥүө көрүстүлэр. Көхтөөх оҕолор кыттыгас бырайыактары олоххо киллэрии туһунан кэпсэттилэр, үлэ уопутун атастастылар.
Саха Өрөспүүбүлүкэтин Судаарыстыбаннаһын күнүгэр шефтэһэр-эрэгийиэн бэрэстэбиитэллэрэ Докучаевскай оскуолаларыгар кылаас чаастарын ыыттылар. Көрсүһүү кэмигэр оҕолорго уонна педагогтарга Саха сирин устуоруйатын, үгэстэрин туһунан, ону тэҥэ, өрөспүүбүлүкэ туһунан сэргэх чахчылары билиһиннэрдилэр.
Ону таһынан, Саха сирэ 6-с уонна 12-с нүөмэрдээх уһуйааннар итиэннэ 1-кы уонна 5-с нүөмэрдээх оскуолалар бырайыактыыр-симиэтэлиир докумуоннарын оҥорорго, эспэртиисэни ааһарга көмөлөстө.
Эһиил, ытыалааһын кэмигэр эмсэҕэлээбит Еленовка бөһүөлэгин 2-с нүөмэрдээх оскуолатын чөлүгэр түһэрэр, Оҕо айымньытын дьиэтин өрөмүөннүүр уонна саҥа IT-кулууптаах ыччат киинин аһар былааннаахтар.
2022 сылтан Саха сирэ Донецкай Норуодунай Өрөспүүбүлүкэ шефтээх муниципальнай тэриллиилэрин чөлүгэр түһэрэргэ көмөлөһөр.
Ил Дархан уонна Бырабыыталыстыба пресс-сулууспата.
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас»…