Хаартыска: Андрей Сорокин, СИА
2025 сылга Саха сирэ Донецкай Норуодунай Өрөспүүбүлүкэҕэ шефтэһэр Докучаевскай куораттааҕы уокуругар 10 тахса эбийиэги чөлүгэр түһэрэр баҕалаах. Бу туһунан Айсен Николаев “Кыайыыга бары бииргэ!” (“Вместе к Победе!”) хамыыһыйа мунньаҕар иһитиннэрдэ.
Өрөспүүбүлүкэ баһылыга бырабыыталыстыбаҕа оҥоһуллубут былааны ДНӨ кытта сөбүлэһиннэрэллэригэр соруйда. Айсен Николаев кини соторутааҕыта командировкаҕа сылдьан көрбүт Оҕо уонна обургу оҕо айар дьиэтин саҥардыыны торумнаата. Эбийиэккэ урут хаһан даҕаны өрөмүөн ыытыллыбатах. Кини этэринэн, Ыччат киинин уонна IT-киини тэрийиигэ үлэни ыытыы ирдэнэр.
Бүгүн Докучаевскайга уонна Еленовка куораттыы тииптээх бөһүөлэгэр 65-тэн 40 тахса эбийиэк чөлүгэр түһэрилиннэ уонна өрөмүөннэннэ. Чуолаан, бассейннаах успуорт комплексын өрөмүөнэ түмүктэнэн эрэр.
Санаттахха, ааспыт икки сыл устата Саха сирэ Кировскай куораты кытта үлэлэһэр этэ. 2024 сылга өрөспүүбүлүкэ Докучаевскайы кытта бииргэ үлэлэһэргэ быһаарыммыта.
Кировскайы кытта үлэлэһэригэр социальнай инфраструктура 50 тахса эбийиэгин чөлүгэр түһэрдилэр. Чуолаан, Куораттааҕы киин балыыһаны, оскуоланы, уһуйааннары уонна атын эбийиэктэр.и
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
“Цифровой алмаас” III федеральнай пуорум кэмигэр И.И.Фадеев аатынан үп-экэниэмикэ кэллиэһэ уонна “Школа 21. Якутия” бииргэ…
Сэтинньи 4 күнэ. Айсен Николаев Саха сирин олохтоохторун Норуот сомоҕолоһуутун күнүнэн эҕэрдэлииригэр Арассыыйа уонна Саха…
Өлөөн улууһугар Өлөөн өрүскэ сүппүт эр дьонтон биирдэстэрин көрдөөһүн салҕанар диэн СӨ быыһыыр сулууспата иһитиннэрэр.…
Ил Дархан Айсен Николаев «Хотугу муора суола уонна Арктика» боппуруостарыгар Судаарыстыбаннай Сэбиэт хамыыһыйатын мунньаҕар кытыыны…
Үөһээ Бүлүү улууһун Хоро нэһилиэгин байыаһа Алексей Александров хорсун быһыытын иһин РФ Бэрэсидьиэнэ В.В. Путин…
Арассыыйа Силиэстийэлиир кэмитиэтин Саха сиринээҕи управлениетын Хоту оройуоннар икки ардыларынааҕы силиэстийэлиир салаата олохтоох дьокутааты РФ…