Хаартыска: Андрей Сорокин, ЯСИА.
Саха сирэ Уһук Илиҥҥэ социальнай гаастааһын бырагырааматын олоххо киллэриигэ бастыҥынан буолар, дойдуга уон субъект иһигэр киирэр. Бу туһунан Ил Дархан Айсен Николаев Судаарыстыбаннай Мунньахха (Ил Түмэн) отчуоту билиһиннэрэригэр иһитиннэрдэ.
Өрөспүүбүлүкэҕэ кэлиҥҥи биэс сылга биэс тыһыынчаттан тахса килэмиэтирдээх гаас ситимэ тардыллыбыт, онон 11 тыһ. тахса биирдиилээн дьиэни гааска холбообуттар.
“Социальнай гаастааһын бырагыраамата дьиэ тутуллуута күүскэ ыытылларыгар сабыдыаллаата, ордук гаас маҥнай тиийэр тыа сирин нэһилиэнньэлээх пууннарыгар. Сорох сирдэринэн чааһынай дьиэни туттуу үс-түөрт төгүл элбээтэ”, – диэн Айсен Николаев эттэ.
Нэһилиэнньэҕэ гаас киириитэ эбиллиитигэр социальнай өйөбүл мэхэниисимэ улахан оруоллаах. Гааһы холботууга харчынан көмөнү номнуо 7 100 ыал туһаммыт.
Былырыын, 2024 сылга, 2 712 дьиэҕэ (былаантан 145%) гаас холбоммут уонна дьон учаастагар диэри 2 739 гаас утаҕа оҥоһуллубут. Бырагыраама Саха сирин гаас тиийбит 12 улууһугар барытыгар үлэлиир.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Ленскэй оройуонун борокуратуурата Роспотребнадзор олохтоох салаатын кытта бииргэ, интэриниэккэ кэһиилэр баар буолуохтарын сөбүн туһунан суруйуу…
Саха сирэ “Оҕолору уонна ыччаты үөрэтэргэ, сынньатарга уонна чэбдигирдэргэ усулуобуйалары тэрийии” бырайыак чэрчитинэн Арассыыйа Үөрэхтээһиҥҥэ…
2025 сылга “Тыа сирин култууратын үлэһитэ” (“Земский работник культуры”) бырагыраамаҕа кыттарга сайаапкалары ылыы саҕаланна. 2025…
Балаҕан ыйын 1 күнүттэн итирик туругу туоһулааһын саҥа быраабылалара күүстэригэр киирэллэр. Уларыйыылар бэрэбиэркэ бэрээдэгин уонна…
Бу сыл атырдьах ыйын 16-17 күннэригэр Саха сирэ Марий Эл Өрөспүүбүлүкэтигэр ыытыллар III Эрэгийиэннэр икки…
Быйыл саха омукка ордук уһун, үс үйэлээх олоҥхолоох, ону сурукка тиһэн хаалларбыт, аан дойду эпостарыгар…