Мария Васильева түһэриитэ (СИА)
Саха сиринээҕи Биир кэлим сүрүннүүр киин байыаннай дьайыыга «Сокол» квадроцикллары оҥорон тиэрдиини салгыы ыытыаҕа. Саха сиригэр оҥоһуллубут тустаах тиэхиньикэлэри байыаннайдар бэркэ туһаналлар. Ол туһунан бүгүн билигин буола турар «Прямой линия» бырагыраамаҕа Ил Дархан Айсен Николаев иһитиннэрдэ.
«Ростовка уонна саҥа сирдэргэ-уоттарга тирэх буолар пууннар баар буолуулара байыаннай дьайыыга сылдьар байыастарга олус наадалаах бородууксуйаны тиэрдиигэ улахан төһүүнэн буолаллар. «Сокол» квадроцикллары, дроннары, тепловизордары тиэрдии биһиги уолаттарбытыгар уонна байыаннай чаастарга улахан көмөнү оҥорор. Уолаттар олус бэрт тэриллэр дииллэр. Юрий Трутнев Уһук Илин уокурук эрэгийиэннэригэр тустаах оҥорон таһаарыыны ыытарга болҕомтотун уурбута. Кини федеральнай бүддьүөттэн үбүлэнэн сакаас быһыытынан оҥоһуллуохтаахтарын ыйбыта. Онно биһиги квадроциклларбытын холобурдаабыта. Онон бородууксуйаны салгыы тиэрдии ыытыллыаҕа», — диэн Айсен Николаев эттэ.
Санатар буоллахха, РФ Бэрэсидьиэнигэр Уһук Илиҥҥэ боломуочуйалааҕа Юрий Трутнев Дьокуускайга кэлэ сылдьан, «ЯКТ Сокол» хампаанньа оҥорбут квадроциклларын көрбүтэ уонна байыаннай дьайыыга маннык тиэхиньикэлэри элбэҕи оҥорон тиэрдэргэ сорудахтаабыта.
Күн ньууругар хамсааһын эмиэ күүһүрбүтэ бэлиэтэнэр. Учуонайдар этэллэринэн, икки нэдиэлэлээх тохтобул кэнниттэн Күҥҥэ кэмиттэн кэмигэр…
Сэтинньи 2 күнүгэр, күнүс 12 чаас саҕана, ГАИ дьуһуурунай чааһыгар суол саахала тахсыбытын туһунан иһитиннэрии…
Алтынньы 3 күнүгэр баһаарынай-быыһыыр сулууспатыгар Амма улууһун Соморсун нэһилиэгэр Константинов уул. дьаһалта дьиэтигэр уот турбутун…
Ытыктабыллаах Сахам сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан судаарыстыбаннай бырааһынньыгынан – Норуот…
Росреестр дойдуга саамай дьикти ааттардаах уу эбийиэктэрин рейтинин оҥордо уонна испииһэккэ Саха сириттэн үс күөлү…
Нерюнгри куорат үбүлүөйүгэр «Северяночка» норуодунай үҥкүү ансаамбыла (уус-уран салайааччы – Арассыыйа Федерациятын култууратын үтүөлээх үлэһитэ…