Хаартыска: sakha.gov.ru саайтан.
Кулун тутар 12 күнүгэр Москваҕа “Россия” Национальнай киинигэр “Столица финансовой культуры” Бүтүн Арассыыйатааҕы куонкурус түмүгүн таһаардылар уонна кыайыылаахтары эҕэрдэлээтилэр. Финалистар ахсааннарыгар – Саха Өрөспүүбүлүкэтэ.
Арассыыйа Федерациятын Үп министиэристибэтэ РФ Киин баанын кытта тэрийбит тэрээһиннэригэр Арассыыйа араас муннугуттан кытыннылар. Саха сирин дэлэгээссийэтэ Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков салайааччылаах түмүктүүр түһүмэххэ кытынна.
Эрэгийиэн тутаах ситиһиилэриттэн биирдэстэрэ – 2024-2027 сыллара үп-харчы билиитин үрдэтиигэ эрэгийиэннээҕи бырагырааманы киллэрии, ол 124 тыһыынча устудьуону (82 быр.) үп үөрүйэхтэригэр үөрэтэргэ көмөлөстө. Ону тэҥэ үп-харчы туһунан сырдатыыга волонтердар ресурснай кииннэрин арыйыы буолла, күн бүгүн бу киин 102 актыбыыһы түмэр уонна 2027 сылга 700 волонтерга диэри кэҥэтэри былаанныыр.
Эрэгийиэн инновацията үпкэ билиини кэҥэтиигэ порталы арыйыы киирэр (https://fingramyakutia.ru). Бу портал сылга 10 тыһыынча уникальнай туһанааччыны тардыбыт уонна 2021 сылтан 412 тыһыынчаттан тахса киһини түмпүт 1800 иһитиннэрэр-сырдатар үлэни тэрийбит.
Эрэгийиэн Бырабыыталыстыбатын Бэрэссэдээтэлэ бэлиэтээбитинэн, бу дьон үпкэ-харчыга сыһыаннаах билиитин кэҥэтиигэ туһуламмыт үлэ түмүгэ буолар.
“Бу Саха сиригэр нэһилиэнньэ ортотугар ыытыллар улахан үлэни билиниинэн буолар. Арассыыйа үбүн миниистирэ Антон Силуановка уонна Арассыыйа Баанын баһылыгар Эльвира Набиуллинаҕа ыытыллыбыт үлэбитин үрдүктүк сыаналаабыттарыгар махтанабыт”, — диэтэ Кирилл Бычков.
Финалга эспиэрдэр уопсайа 12 эрэгийиэни киллэрбиттэрэ.
“Столица финансовой культуры” куонкурус 2030 сылга диэри үпкэ билиини уонна үп култууратын үрдэтиигэ туһуланар. Куонкурус сүрүн сыала – дьоҥҥо-сэргэҕэ үпкэ сыһыаннаах билиилэрин үрдэтиигэ көдьүүстэх бырайыактары киллэрэр эрэгийиэннэргэ көмөлөһүү буолар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын дьаһалтатын пресс-сулууспата.
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…