Саха сирэ туризм хайысхатынан ТОП-5 киирдэ

Быйыл дойдуга ыам ыйыттан атырдьах ыйыгар диэри туризм көрдөрүүтэ ааспыт сылы кытта тэҥнээтэххэ 11% улааппыт.

Бу хайысхаҕа үлэлэринэн түргэнник сайдан, кэҥээн иһээччилэринэн Тыва (+78%), Чечня (+66%), Дагестан (+46%), Рязань уобалаһа (+46%), Саха сирэ (+40%) буолбуттар. Бу туһунан РФ Бырабыыталыстыбатын Бэрэссэдээтэлин солбуйааччы Дмитрий Чернышенко иһитиннэрдэ. Оттон сайын Арассыыйаҕа туристар сылдьыылара барыта 35 мөл. тиийбит. Маныаха саамай элбэх киһи Краснодар кыраайыгар уонна Москваҕа сылдьыбыта биэлиэтэнэр. Маны сэргэ Санкт-Петербурга элбэх киһи сылдьыбыт.

Саха сиригэр бүгүҥҥү туругунан 23 туроператор, 140 турбааза баара биллэр.

СӨ Ил Дарханын уонна Бырабыыталыстыбатын пресс-сулууспата

Хаартыскаҕа Андрей Сорокин түһэриитэ, СИА