СӨ Култуураҕа уонна духуобунай сайдыыга миниистирэ Юрий Куприянов Уһук Илин федеральнай уокуругар киинэ хамыыһыйатын бастакы мунньаҕар кыттыыны ылла.
Мунньахха 2022-2023 сс. үлэ былаанын быһаарбыттар уонна бэрэссэдээтэли талбыттар. Уһук Илин федеральнай уокуругар киинэ хамыыһыйатын «Сахафильм» киинэ хампаанньатын уус-уран салайааччыта Алексей Романов салайбыта.
Мунньахха Уһук Илини уонна Арктиканы сайыннарыыга миниистири солбуйааччы Марат Шамьюнов, РФ Култуура министиэристибэтин кинематографияҕа уонна сыыппаранан сайдыыга Департаменын дириэктэрэ Дмитрий Давиденко, Уһук Илин эрэгийиэннэрин бэрэстэбиитэллэрэ кыттыыны ыллылар.
—-Уһук Илиҥҥэ уонна Арассыыйаҕа киинэ сайдыыгар үлэбит, бу хайысхаҕа өрөспүүбүлүкэбит үөрүйэҕэ учуоттанан, киинэ хамыыһыйатын бэрэссэдээтэлинэн Алексей Семенович Романов талылынна. Ону сэргэ, үлэ былаана быһаарыллыбытын сэтинньигэ бигэргэтиэхпит. «Сахафильм» хампаанньаҕа улахан эппиэтинэс сүктэрилиннэ, — диэн бэлиэтиир миниистир.
Алексей Романов үлэ бу хайысхатыгар, киинэ ырыынагар Саха сирэ бэйэтин үчүгэй өртүттэн көрдөрбүтүн, онон кинематография киинин курдук ылыммыттарын, ону сэргэ Уһук Илиҥҥэ киинэ сайдыытыгар улахан болҕомто уурулларын этэр.
—Биһиги үлэ үөрүйэҕин хайдах туһанары дьүүллэстибит. Саха сирин сүрүн киининэн оҥорор былаан баар эрээри, тэхиньиичэскэй баазаны, ол иһигэр тыаһын-ууһун, өҥүн-дьүһүнүн, о.д.а. оҥорорго саҥардыы үлэтэ наада буолар. Манна Уһук Илини уонна Арктиканы сайыннарыыга министиэристибэ өрөспүүбүлүкэ өйөбүлүнэн көмөлөһөргө бэлэмин туһунан Романов иһитиннэрдэ.
СӨ Култуура уонна духуобунай сайдыы министиэристибэтин пресс-киинэ
Хаартыскаларга Наталия Чемашкина түһэриилэрэ
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…