Хаартыска: ЯСИА
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа буолаллар. 2025 сылга Саха сирэ сайаапкатын ахсаанынан Приморье кыраайын аһарда.
«Саха сиригэр федеральнай сокуон олоххо киириэҕиттэн “Уһук Илиҥҥи гектары” ыларга 52 749 сайаапка бэриллибитэ. Сир учаастагын босхо ыларга 22400 кэриҥэ дуогабар түһэрсиллибитэ. Саха сирин олохтоохторо ордук туристарга аналлаах баазаларга, кемпиннэргэ уонна сынньалаҥ баазаларыгар, тыа хаһаайыстыбатыгар үүнээйини олордуунан, ыҥырыаны, сүөһүнү иитиинэн дьарыктанарга уонна аграрнай араас үлэлэргэ, ону сэргэ тус хаһаайыстыбаҕа учаастак ылар туһугар олорор дьиэни туттарга ылаллар”, — диэн СӨ Баайга-дуолга уонна сиргэ сыһыаннаһыыларга министиэристибэҕэ иһитиннэрдилэр.
Бырагыраамаҕа РФ ханнык баҕарар олохтооҕо кыттыан сөп. Ону сэргэ омук сиригэр олорор биир дойдулаахтарбыт уонна баҕа өттүнэн көһөргө көмөлөһөргө судаарыстыбаннай бырагыраама кыттыылаахтара гектар сири ылар бырааптаахтар.
Сир учаастага бастаан 5 сылга босхо туһанарга бэриллэр. Бас билэргэ эбэтэр 49 сылга диэри арендаҕа ыларга сыл аҥаарын устата сайаапка суруйуохха сөп. Ону сир атын араҥаҕа көһөрүллэр усулуобуйатыгар арендаҕа ылбытыҥ 10 сыл ааспытын кэннэ бас билиигэ оҥорторуохха сөп.
Санатан эттэххэ, 2016 сыл бэс ыйын 1 күнүттэн “Уһук Илиҥҥи гектар” бырагыраама Уһук Илин 9 эрэгийиэнигэр: Саха сиригэр, Приморье, Хабаровскай, Камчатка кыраайдарыгар, Амур, Магадан, Сахалин уобаластарыгар, Еврейскэй автономнай уобаласка уонна Чукотка автономнай уокуругар үлэлиир. Бырагыраама 2019 сыл атырдьах ыйын 1 күнүттэн Бурятия Өрөспүүбүлүкэтигэр уонна Забайкалье кыраайыгар, оттон 2021 сыл атырдьах ыйын 1 күнүттэн Арктикаҕа барытыгар үлэлиир буолбута. Ол курдук, гектар сири Карелия уонна Коми өрөспүүбүлүкэлэригэр, Красноярскай кыраайга, Архангельскай уонна Мурманскай уобаластарга, Ненецкэй уонна Ямало-Ненецкэй автономнай уокуруктарга ылыахха сөп.
Сиһилии: https://www.sakha.gov.ru/news/16286
СӨ Ил Дарханын уонна бырабыыталыстыбатын пресс-сулууспата
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…
Саха сиригэр мэдиссиинэ көмөтүнэн байыаннай дьайыы 4 152 кыттыылааҕа туһанна. Бу туһунан СӨ доруобуйа харыстабылын…