Саха сирэ Арассыыйа 89 эрэгийиэнигэр дойдуга бэриниилээх буолуу куонкуруһун биллэрдэ.
Бу бастаан ыытыллар патриотическай бырайыакка дойду 89 эрэгийиэниттэн оҕолор кыттыахтара.
—Биһиги өрөспүүбүлүкэбит «Көр, бу Арассыыйа!» федеральнай бырайыагы көҕүлээччинэн буолар. Икки сыл устатыгар алта тыһыынча хамаанда, дойду 85 эрэгийиэниттэн 33 тыһыынчаттан тахса оҕо кытынна. Билигин күөн күрэс саҥа түһүмэҕэ саҕаланар. РФ 4 саҥа субъегыттан оҕолор бырайыакка кытталларыгар мин эрэнэбин. Бу дойду бары ыччаттарын кытары биир санааланалларыгар, түмсүүлээх буолалларыгар кыаҕы биэриэ, — диэн этэр кини.
«Көр, бу Арассыыйа!» куонкурус эрэгийиэн баһылыгын, РФ Үөрэх министиэристибэтин, Арассыыйа ыччатын, эдэр ыччаттар Арассыыйатааҕы түмсүүлэрин өйөбүллэринэн, өрөспүүбүлүкэ ыччатын көҕүлээһининэн 2020 сылтан ыытыллар.
Быйылгы күрэс тиэмэтэ – «Мин эрэгийиэним киэн туттуута». Видеороликтарга куонкуруска кыттааччылар уһулуччу үтүөлээх дьоннорун, дойдуларын ситиһиилэрин туһунан сырдаталлар. Маны сэргэ, Ил Дархан Айсен Николаев Саха АССР 100 сылынан анал номинацияны олохтоото.
Куонкуруска кыттарга регистрация сэтинньи 13 күнүгэр диэри https://lookitsrussia.ru/registratsiya/ саайтка ыытыллар. Онтон кэлэр нэдиэлэлэргэ күөн күрэс кыттыылаахтара үөрэнэллэр, роликтарын усталлар уонна бырайыак саайтыгар туруораллар. Онтон ахсынньыга, аһаҕас куоластааһын түмүгүнэн, хас биирдии номинацияҕа кыайыылаахтар быһаарыллыахтара уонна наҕараадаланыахтара.
Бүтүн Арассыыйатааҕы «Көр, бу Арассыыйа!» диэн оскуола үөрэнээччилэригэр видеоаккырыыккалары атастаһыы куонкуруһа СӨ ыччатын көҕүлээһининэн 2020 сыллаахтан саҕаламмыта. Күөн күрэскэ төрөөбүт дойдуларын туһунан видеонан роликтары устан оҥороллор. Бастыҥ ролигы аһаҕас куоластааһынынан бырайыак саайтыгар (https://lookitsrussia.ru/) талаллар. Быйыл куонкурус үһүс төгүлүн ыытыллыа.
Бастакы күрэскэ 85 эрэгийиэнтэн кыттыбыттара. Уопсайа 3 500 хамаанда – 17500 кыттааччы бэлиэтэммитэ. Куоластааһыҥҥа 200 000 тахса киһи кыттыбыта.
2021 сыллаахха ыытыллыбыт иккис куонкуруска эмиэ итиччэ кыттааччы бэлиэтэнэн турар. Итиэннэ 2020 сыллааҕар үс төгүл элбэх партнердаммыта. Уопсайа 11 федеральнай партнер (РФ Үөрэх министиэристибэтэ, РФ Култуура министиэристибэтэ, Ростуризм, Росмолодежь, РСВ, РДШ, «Сириус», РГО, «Знание», уо.д.а.) өйөөбүттэрэ. Биэс партнер алта бэйэлэрин номинацияларын олохтообуттара.
Дьокуускайга ыам ыйын 19 күнүгэр ыытыллыбыт VIII Бүтүн Арассыыйатааҕы «ЗаБег.РФ» полумарафоҥҥа 1000- тан тахса киһи…
Ыам ыйын 17-19 күннэригэр Саха Өрөспүүбүлүкэтин Бастакы Бэрэсидьиэнэ Михаил Николаев кэриэһигэр көҥүл тустууга Арассыыйа устудьуоннарын…
Халлааммыт сылыйан, күммүт уһаан, дьон-сэргэ аны хайдах сайын кэлэрин билиэн баҕарар. Үгэс быһыытынан, норуот синоптига…
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…