Хаартыска: Ил Дархан, бырабыыталыстыба дьаһалтатын пресс-сулууспата.
Петербурдааҕы норуоттар икки ардыларынааҕы экэнэмиичэскэй пуорум кэмигэр Айсен Николаев «Агентство стратегических инициатив по продвижению новых проектов» (АСИ) генеральнай дириэктэрэ Светлана Чупшеваны кытта көрүстэ. Кинилэр бэс ыйын күнүгэр Национальнай социальнай көҕүлээһин мэхэньиисимнэрин олоххо киллэрии туһунан кэпсэттилэр.
— Саха сиригэр АСИ ньыматынан Национальнай социальнай көҕүлээһин мэхэньиисимнэрин олоххо киллэрии түмүгэр, социальнай уонна мэдиссиинэ өҥөлөрүн ылыы болдьоҕо түргэтээтэ, үлэ булбут киһи ахсаана элбээтэ. Билигин АСИ бастыҥ ньымаларын туһаныыга үлэ бара турар, — диэн Айсен Николаев эттэ.
2022 сыллаахха доруобуйа харыстабылыгар, социальнай көмүскэлгэ, үөрэҕириигэ 14 кыһалҕалаах боппуруостара быһаарыллыбыттара. Ону тэҥэ, «Дьарыктаах буолуу киинин нөҥүө үлэни булуу» бырагыраама «дорожнай каартатын» олоххо киллэрии салҕаммыта.
Светлана Чупшева өрөспүүбүлүкэҕэ ыытыллар үлэни үрдүктүк сыаналаата, нэһилиэнньэ олоҕун хаачыстыбата үрдээн иһэрин бэлиэтээтэ.
Көрсүһүүгэ пилота суох авиационнай систиэмэлэри сайыннарыыга бииргэ үлэлэһии туһунан кэпсэттилэр. 2022 сыл ахсынньытыгар Дьокуускайдааҕы сибээс, энэргиэтикэ колледжыгар Информационнай систиэмэ оператордарын үөрэтэр киин аһыллыбыта. Онно «оператор беспилотных летательных аппаратов» идэҕэ үөрэтэллэр.
Технопаарка баазатыгар пилота суох көтөр аппарааттары хомуйарга, өрөмүөннүүргэ, бырагырааманан хааччыйарга аналлаах лаборатория аһыллара былааннанар. Бу лабораторияҕа уонна оҥорон таһаарар сыахха тирэҕирэр научнай-производственнай киин аһыллыахтаах.
Онон өрөспүүбүлүкэ уонна АСИ креативнай индустрия эйгэлэрин чинчийэргэ, сайыннарарга бииргэ үлэлэһии боппуруостарын ырытыстылар.
АСИ 2011 сыллаахха тэриллибитэ. Дойду бырабыыталыстыбата приоритетнай бырайыактары, урбаан эйгэтин, каадырдары сайыннарарга анаан тэрийбитэ.
Ил Дархан, бырабыыталыстыба дьаһалтатын пресс-сулууспата.
"Биисинэс-Экспо" урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла…
Ньурба улууһун Хорула нэһилиэгин Е.К. Федоров аатынан орто оскуолатыгар 204 саастаах алтан чуораан баар. "2020…
Ахсынньы 14 күнүгэр Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников Горнайга Атамайдааҕы элбэх өҥөнү…
Сир үрдүгэр эҥин араас дьикти, дьиибэ элбэх. Икки атахтаах ону сэргиир, сэҥээрэр, сорох онтон дьиксинэр,…
РФ бырабыыталыстыбата резервнэй пуондаттан чэпчэтиилээх IT-ипотекаҕа 23,5 млрд солк. көрдө. Туһааннаах дьаһалга премьер-миниистир Михаил Мишустин…
Бу күннэргэ СӨ Тыатын хаһаайыстыбатын уонна аска-үөлгэ министиэристибэтин сыллааҕы үлэтин түмүктүүр тэрээһиннэр ыытылыннылар. “Үбүлээһин саҥа…