СӨ Бырабыыталыстатын пресс-сулууспатын хаартыската
Бэҕэһээ, тохсунньу 23 күнүгэр, Москваҕа Саха сирин өрөспүүбүлүкэтэ уонна ДНӨ Докучаевскай куораты кытта сөбүлэҥ түһэристилэр.
Өрөспүүлүкэ аҕа баһылыга Айсен Николаев уонна ДНӨ бэрэстэбиитэлистибэтин салайааччы Ольга Макеева докумуоҥҥа илии баттаатылар.
«Сөбүлэҥ сыала-соруга — ОДьКХ, социальнай инфраструктураны, эбийиэктэри сөргүтүүгэ икки өттүттэн бииргэ үлэлэһиини күүһүрдүү буолар. Куораты сөргүтүү үлэтин тус хонтуруолбар тутуоҕум», — диэн Айсен Николаев бэлиэтээтэ. Былаан быһыытынан, бу сылга 65 эбийиэги, 2025 сылга 19 эбийиэги сөргүтүү былааннанар. Докучаевскай куораты сөргүтүү үлэтин оробуочай бөлөҕүн сүрүннээччинэн РФ бэрэсидьиэнин Саха сиринээҕи бастайааннай бэрэстэбиитэлэ Андрей Федотов буолла. Манна Кировскайы сөргүтүүгэ кыттыыны ылбыт исписэлиистэр үлэлэһиэхтэрэ.
Бэлиэтээн эттэххэ, Кировскай куоракка 50 тахса эбийиэк сөргүтүллүбүтэ. Куорат киин балыыһата, икки оскуола, үс уһуйаан, бибилэтиэкэ, муусука оскуолата. Ону сэргэ куораты сырдатар, итиинэн хааччыйар ситимнэр, успуорт былаһаакката, Кыайыы паарката, таҥара дьиэтэ. Маны таһынан аныгылыы МФЦ дьиэтэ, ИТ киин аһыллыбыттара. Саха сирэ Кировскай куоратын балыыһатыгар мэдиссиинэ тэриллэрин атыылаһыыга, саҥардыыга көмөлөспүтэ. Саҥа рентген-аппараат атыылаһыллыбыта. Саха сирин офтальмолог-быраастара Донбасс олохтоохторун харахтарын эмтээбиттэрэ, эпэрээссийэлээбиттэрэ, Кировскайга ааспыт сыл алтынньытыттан уопсайа 700 киһи көрдөрбүтэ. Онтон 340 киһи эпэрээссийэлэммитэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…