Саха сирэ уонна ДНӨ бииргэ үлэлээһин туһунан сөбүлэһиигэ илии баттаатылар

Саха сирэ уонна ДНӨ бииргэ үлэлээһин туһунан сөбүлэһиигэ илии баттаатылар

23.12.2022, 14:30
Бөлөххө киир:

Саха Өрөспүүбүлүкэтин Бырабыыталыстыбата уонна Донецкай Народнай Өрөспүүбүлүкэ атыы-эргиэн, научнай-техническэй, социальнай, культурнай бииргэ үлэлээһин туһунан сөбүлэһии түһэристилэр.

Сөбүлэһиигэ Саха сирин баһылыга Айсен Николаев уонна ДНӨ баһылыгын эбээһинэһин быстах кэмҥэ толорооччу Денис Пушилин илии баттаатылар.
Маны таһынан Нерюнгри оройуона уонна Кировскай куорат бырааттыы сыһыаны олохтоон, туһааннаах докумуоҥҥа РФ Бэрэсидьиэнин иһинэн СӨ Бастайааннай бэрэстэбиитэлистибэтигэр илии баттанна. «Саха сирин уонна Донбасс олохтоохторун дьылҕалара бииргэ баайылынна. Урут даҕаны, билигин даҕаны оннук этэ», – диэн эттэ Айсен Николаев бииргэ үлэлэһии сөбүлэһиитин түһэрсии кэмигэр.


«Бүгүн биһиги Денис Пушилинныын илии баттаабыт докумуоммут биһиги өрөспүүбүлүкэлэрбит икки ардыгар социальнай-экэнэмиичэскэй хайысхаҕа сыһыаммыт сайдарыгар улахан суолталаах. Билигин экэниэмикэ салаатыгар, социальнай, култуура эйгэтигэр сибээспитин сайыннарар туһунан толкуйдуохтаахпыт. Биһиги Саха сирин уопутун туһанан ДНӨ ИТ-технологиялары сайыннарарга элбэҕи оҥоруохпут. Кировскай куораты чөлүгэр түһэриигэ салгыы дьарыктаныахпыт. Анал байыаннай дьайыылары кытары сыһыаннаах былаан элбэх, материальнай-техническэй хааччыйыыны сайыннарыы уонна ДНӨ оҥоһуллар аһынан-үөлүнэн, бородууктанан биһиги байыастарбытын хааччыйыы», – диэн тоһоҕолоон бэлиэтээтэ Айсен Николаев.
Итини таһынан өрөспүүбүлүкэ баһылыга Нерюнгри оройуона уонна Кировскай куорат иккиэн шахтердар эрэгийиэннэрэ буоларын, майгыннаһар өрүттэрэ элбэҕин бэлиэтээтэ. «Биһиги тэҥ ыра санаалаахпыт, үлэлиир үгэстээхпит, бэйэбит төрөөбүт сирбитигэр дьоллоохтук, эйэлээхтик олорорго, оҕолорбутун иитэргэ, дойдубутунан киэн туттарга дьулуһабыт», – диэтэ Айсен Николаев.


«Саха сирэ – бу Кировскай куоракка улаханнык көмөлөспүт шефтэһэр эрэгийиэммит. Чөлүгэр түһэрии үлэтэ буоллун, кыстыкка бэлэмнэнии буоллун, о.д.а. хайыы-үйэ бэйэлэрин кыахтарын көрдөрдүлэр», –диэтэ Денис Пушилин.
Саха сирин олохтоохторо Кировскай куоракка эйэлээх олох олохтоноругар, чөлүгэр түһэригэр бэйэлэрин кылааттарын киллэрэллэр. Оскуолалар, балыыһалар, элбэх кыбартыыралаах олорор дьиэлэр, ОДьКХ эбийиэктэрэ өрөмүөннэннилэр. Былааннаммыт үлэ барыта ситтэ. Эһиил оҕо саадтарын, олорор дьиэлэри, стадиону чөлүгэр түһэрии үлэтэ былааннанар.

Лента
Салгыы
5 февраля
  • -38°C
  • Ощущается: -38°Влажность: 74% Скорость ветра: 1 м/с

Сообщить об опечатке

Текст, который будет отправлен нашим редакторам: