https://www.sakha.gov.ru/news/front/view/id/3346578
Бу туһунан Ил Дархан Айсен Николаев Социальнай чинчийиилэр эспиэрдэрин инстута тэрийбит “төгүрүк остуолугар” иһитиннэрдэ.
— Биһиги киинэни устааччыларбыт байыаннай дьайыы туһунан сценарий оҥордулар. Онон Донецкай Өрөспүүбүлүкэҕэ уонна кэккэ кэллиэгэлэрбитигэр патриотическай тыыннаах киинэни бииргэ устар туһунан этии киллэрэбит. Байыаннай дьайыы, патриотизм, дьоруойдарбыт тустарынан киинэ устар кэм кэллэ, — диэн кини эттэ.
“Төгүрүк остуол” кулун тутар 2 күнүгэр буолбута. Бэрэсидьиэн Анал этиитин соруктарын олоххо киллэрии тула кэпсэтии барбыта.
Эспиэрдэр бэрэсидьиэн ыччаты кытары үлэҕэ болҕомто уурарын бэлиэтээтилэр.
—Бэрэсидьиэн Анал этиитигэр патриотическай иитии, ыччат бэлиитикэтин, аҕа сүбэһит оруолун, сырдатар-иитэр үлэ туһунан элбэхтик этэр. Арҕааҥҥы дойдулар ыччат өйүн-санаатын ытыйан, биһигини утары үлэни ыыталларын өйдүүбүт, — диэн институт эрэгийиэннэр бырагыраамаларын департаменын салайааччы Дарья Кислицына бэлиэтээтэ.
Айсен Николаев ыччаты кытта көдьүүстээх үлэҕэ аныгылыы, инэриэһинэй ньымалары туһанар ордугун эттэ.
— Саха сиригэр боломуочуйалаах бэрэстэбиитэл Юрий Трутнев уонна Уһук Илини, Арктиканы сайыннарыы министиэристибэтин өйөбүллэринэн, Арассыыйаҕа биир бөдөҥ креативнай кластер – “Үлэ кыбаартала” аһылынна. Бу кластерга киинэни оҥоруу, муусука, муода, дизайн курдук креативнай эйгэлэргэ анал киин үлэлиир. Бу киин патриотическай иитиигэ эмиэ үлэлэһэр, — диэн Айсен Сергеевич кэпсээтэ.
2020 сыллаахха ыытыллыбыт «Смотри, это Россия!» видеокуонкурус Арассыыйатааҕы таһымнаммыта. Дойду оҕолорун түмэр, билиһиннэрэр, сырдатар сыаллаах. Быйыл бу куонкуруска саҥа холбоспут эрэгийиэннэртэн элбэх оҕо кыттыбыт. Холобур, ДНӨ сокуолаларыттан 4,5 тыһыынча сайаапка киирбит.
Тэрээһин модератора Дарья Кислицына бэлиэтээбитинэн, Саха сиригэр патриотическай иитии систиэмэлээхтик ыытыллар уонна бу уопут атын эрэгийиэннэргэ холобур быһыытынан тарҕаныан сөп.
Ил Дархан, бырабыыталыстыба дьаһалтатын пресс-сулууспата.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…