Хаартыска: sakha.gov.ru
XIV Петербурдааҕы норуоттар икки ардыларынааҕы гаас пуорумун чэрчитинэн Саха сирин гааһынан хааччыйыы уонна гаастааһын саҥа биэс сыллаах болдьоххо – 2026-2030 сылларга бырагырааматыгар илии баттанна. Докумуоҥҥа «Газпром» ААУо бырабылыанньатын бэрэссэдээтэлэ Алексей Миллер уонна Ил Дархан Айсен Николаев илии баттаатылар. Бу туһунан sakha.gov.ru суруйар
«Газпром» хампаанньа соҕуруу Саха сиригэр гаастааһыны ыытар. Гааһы биэрии «Сибиир күүһэ» гаас турбатыттан оҥоһуллар. Бырагыраама быһыытынан, «Газпром» «Сибиир күүһэ» турбаттан «Алдан», «Алдан-2», «Мурья», «Чульман» гааһы тарҕатар ыстаансыйалардаах түөрт гаас турбатын салаатын тутуутун түмүктүөҕэ. Мантан Алдан куоракка уонна Алдан, Нерюнгри улуустарын сэлиэнньэлэригэр – Ленинскай, Лебединай, Чульман, Үөһээ Кураанах, Аллараа Кураанах, Хатыыстыыр нэһилиэктэр икки ардыларынааҕы уонна нэһилиэк иһинээҕи гаас турбалара тардыллыахтара.
2025 сыл бүтүөр диэри «Иенгра» гаас турбатын салаатын тутуута түмүктэниэҕэ. Өлүөхүмэ улууһугар, «Сибиир күүһэ» турбаттан ГТС-тээх гаас турбатын салаата уонна Өлүөхүмэҕэ диэри нэһилиэктэр икки ардыларынааҕы гаас турбата тардыллыбыт сиригэр, хампаанньа 16 тыа нэһилиэнньэлээх пуунун гаастыаҕа.
Саха сирин баһылыга сөбүлэһии өрөспүүбүлүкэ олохтоохторугар сүдү суолталааҕын бэлиэтээтэ. «2030 сылга диэри Саха сирин 27 нэһилиэнньэлээх пууна гаастаныаҕа. 550 км чугас гаас турбата тутуллуоҕа. «Газпром» уопсай инвестициятын суумата – 9 миллиард 800 мөлүйүөн солкуобай. Бу бастатан туран, «Сибиир күүһэ» гаас турбатын кыйа олорор олохтоохтор олохторун хаачыстыбатын тупсарыы буолар», — диэтэ Айсен Николаев. Кини эппитинэн, үлэлии турар гаастааһын бырагырааматын көмөтүнэн күөх төлөн 10 тыһ. дьиэҕэ холбонно. Юбилейнайга кэлэр бэнидиэнньиккэ киириэҕэ.
Санатан эттэххэ, XIV Петербурдааҕы норуоттар икки ардыларынааҕы гаас пуорума алтынньы 7 күнүгэр саҕаламмыта. Бу кэм устата гаас эйгэтигэр бииргэ үлэлээһин боппуруостарын дьүүллэһэр аптарытыаттаах эспиэрдэр былаһааккаларын быһыытынан биллэр. Сыл аайы ПМГФ чэрчитинэн партнердаһыы туһунан стратегическай сөбүлэһиилэр түһэрсиллэллэр, далааһыннаах бырайыактары саҕалыырга уонна олоххо киллэрэргэ кыах биэрэллэр.
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…