Хаартыска: www.sakha.gov.ru
Харбиҥҥа Арассыыйа-Кытай VIII ЭКСПО иитинэн СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов China Petroleum Engineering & Construction Corp. (CNPECC) генеральнай дириэктэрин солбуйааччы господин Ван Сюецзюнемы кытта көрүстэ.
Көрсүһүү түмүгүнэн СӨ Бырабыыталыстыбатын уонна “Кытай ньиэпкэ инженернэй-тутуу хампаанньатын” Амурдааҕы филиалын кытта бииргэ үлэлэһии бырайыактарын кыаҕын үөрэтэр боротокуолга илии баттастылар: ньиэп, гаас баайдаах сирдэрин хааччыйыы эбийиэктэрэ, ньиэп-химия собуота, ньиэби уонна гааһы оҥоруу собуота, ньиэп резервуардара, ситимэ, уоҕурдууну оҥорон таһаарар эбийиэктэр.
Господин Ван Сюецзюнь Саха Өрөспүүбүлүкэтин дэлэгээссийэтигэр аан дойдуга биир саамай улахан энергетическэй хампаанньатынан буолар Кытай ньиэп салаатыгар инженернэй-тутар хампаанньатын – Кытай национальнай ньиэп-гаас корпорациятын (China National Petroleum Corporation, CNPC) билиһиннэрдэ.
Ону таһынан, технологияҕа уонна тырааныспарка, логистикаҕа бырайыактары олоххо киллэриигэ үбү тардыыга бииргэ үлэлэһии барыйааннарын көрдүлэр: Джалинда – Мохэ кыраныысса таһынааҕы туорааһын нөҥүө Саха Өрөспүүбүлүкэтэ – Амур уобалаһа — Хэйлунцзян (КНӨ) тырааныспар саҥа суолун, Тикси пуордун акваторийыгар Найба пуорт инфраструктуратын сайыннарыы уонна Саха сирин хотугулуу-арҕаа өттүгэр углеводороднай оҥорон таһаарыы бырайыактара.
Дьулустаан Борисов норуоттар икки ардыларынааҕы тырааныспар сырыытын (международный транспортный коридор) сайдыытын уонна билиҥҥи глобальнай эниэргийэ тиийбэт буолуутун учуоттаан бырайыактары кэлимсэтик көрөргө, СӨ Бырабыыталыстыбата уонна China National Petroleum Corporation бииргэ үлэлэһии бырайыактарын олоххо киллэрэргэ концорциум тэрийэргэ, Саха сиринээҕи сир баайын хостооччуларын дэлэгээссийэлэрин кытта China National Petroleum Corporation Пекин куоракка бас тэрилтэтигэр көрсөргө этии киллэрдэ. Господин Ван Сюецзюнь билиһиннэриллибит бырайыактар кэскиллээхтэрин бэлиэтээтэ. Салгыы манна ааҕыҥ.
СӨ Ил Дарханын уонна Бырабыыталыстыбатын пресс-сулууспата.
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…