Хаартыска: sakha.gov.ru
Ил Дархан Айсен Николаев Арассыыйа Наукаларын Академиятын бэрэсидьиэнэ Геннадий Красниковы кытта көрүстэ.
Көрсүһүүгэ РНА вице-бэрэсидьиэнэ Владислав Яковлевич Панченко эмиэ кытынна. Өрүттэр хас да историческай дааталаах 2025 сыл түмүктэрин таһаардылар уонна 2026 сыл былааннарын бигэргэттилэр. Аны сайын бэс ыйыгар «Арктика — территория стратегических и инновационных решений: итоги, новые вызовы и горизонты» диэн РНА көһө сылдьар мунньаҕа ыытыллара былааннанар.
2025 сыллаахха ССРС Наукаларын академиятын Саха сиринээҕи кэлим эспэдииссийэтин 100 сыла, Витус Беринг Бастакы Камчатскай эспэдииссийэтин 300 сыла бэлиэтэммиттэрэ. Ону таһынан 2025 сыл муус устарыгар РФ бэрэсидьиэнэ Владимир Путин 2032 сылга Уһук Илини баһылааһыҥҥа сүрүн эспэдииссийэлэр ааспыт куораттара Дьокуускай төрүттэммитэ 400 сылын бэлиэтиир туһунан ыйаахха илии баттаабыта. Балаҕан ыйын 22-24 күннэригэр Дьокуускайга Россия наукаларын академиятын, РНА Сибиирдээҕи салаатын, РНА Уһук Илиннээҕи салаатын холбоһуктаах мунньахтара ыытыллыбыта. Пуорум Арктиканы чинчийиигэ өрөспүүбүлүкэ аптарытыатын өссө чиҥэппитэ.
Сэлии фаунатын, ирбэт тоҥу, килиимэт уларыйыытын чинчийиигэ Саха сирин учуонайдарын үлэлэрин өрөспүүбүлүкэ тас өттүгэр бары билинэллэр.
«Арассыыйа Наукаларын Академията федеральнай субъектары, ол иһигэр Саха сирин кытта ыкса үлэлэһэр. Инникитин даҕаны эрэгийиэҥҥэ эспиэртиир өйөбүлү оҥоруохпут, научнай бырайыактары олоххо киллэриигэ көмөлөһүөхпүт, науканы инники күөҥҥэ таһаарыахпыт, ыччаты наука эйгэтигэр тардыахпыт», — диэн бэлиэтээтэ Академия бэрэсидьиэнэ Геннадий Красников.
ССРС Наукаларын академиятын Саха сиринээҕи кэлим эспэдииссийэтин 100 сылыгар эрэгийиэҥҥэ чинчийиилэри өйүүргэ аныгылыы үбүлээһин модела оҥоһуллубута. Арассыыйа научнай пуондатын кытта саҥа сөбүлэһии түмүгүнэн сыл ахсын икки өттүттэн 60 мөл.солк. үбүлээһин оҥоһуллара сабаҕаланар. Ыччаты кытта үлэ саҥа түһүмэххэ таҕыста. Научнай-популярнай туризмҥа федеральнай акселератор гранд-финалыгар Саха сирэ кыайыылааҕынан тахсыбыта.
Айсен Николаев РНА бэрэсидьиэнин мунньахха кэлэн кыттыынын ыларыгар ыҥырда, диэн иһитиннэрэр Ил Дархан, бырабыыталыстыба пресс-сулууспата.
“Ама, илгэлээх Ийэ тылбыт иинэр-хатар, төрөөбүт тылбыт үтүрүллэр, сахабыт тыла сарбыллар кэмэ кэлиэ дуо?” --…
Карл Георгиевич Башарин олоххо таптала “Саха киэн туттар дьоно” сиэрийэнэн тахсыбыт “Карл Георгиевич…
Күн-дьыл билгэтэ. Быйыл кыһын сылгы сотору-сотору хахсыйарын, эбэтэр ойуурга киргил торулуурун иһиттиҥ дуо? Хатааһыннаах саас…
Нам улууһугар Аппааныга дьон-сэргэ доруобуйатын тупсарынарыгар, чэгиэн, чөл буоларыгар, толкуйдуур дьоҕурун сайыннарарыгар үлэ тиһиктээхтик ыытыллар.…
Бу бырагырааманы үбүлээһин үс хайысханан оҥоһуллар: федеральнай, Саха Өрөспүүбүлүкэтин судаарыстыбаннай уонна муниципальнай тэриллиилэр олохтоох бүддьүөттэриттэн.…
Аныгы технологиялаах "Смарт" бибилэтиэкэҕэ робот-бибилэтиэкэр баар буолла. Робот сахалыы саҥарар, дорооболоһор, төбөтүн имэрийдэххэ, манньыйан хараҕын…