Саха сирэ уонна Сахалин эрэгийиэн таһымыгар килиимэт бэлиитикэтин олоххо киллэриигэ бииргэ үлэлэһиигэ уонна уопут атастаһыыгар Суол каартатыгар илии баттастылар.
Саха сирин Ээкниэмикэ министиэристибэтэ иһитиннэрбитинэн, Сахалин эспэримиэнин түмүктэрин уонна экосистиэмэлэр уратыларын учуоттаан, низкоуглероднай сайдыы эйгэтигэр икки эрэгийиэн уопутун түмүүгэ бу докумуон ананна.
Суол каартата VI Хотугу пуорум чэрчитинэн ыытыллыбыт “Формирование перспективных систем климатического регулирования в геостратегических территориях ДФО” сиэссийэ кыттыылаахтарыгар көрдөрүлүннэ.
Ону тэҥэ пуорумҥа Саха сирин углероднай нейтральноһын кэнсиэпсийэтэ көрүлүннэ. Маны “СӨ экология өттүнэн туруктаах буолуутун туһунан” СӨ ИЛ Дарханын стратегическай Ыйааҕын чэрчитинэн Экэниэмикэ министиэристибэтэ ыытар.
СӨ Арктикатааҕы научнай-чинчийэр киинин дириэктэрэ Надежда Красильникова бэлиэтииринэн, парниковай гааһы быраҕыыны аччатыыга эрэгийиэн экэнимиэкэтин кыаҕа технологическай, инвестиционнай кыахтартан тутулуктаах. Кини этэринэн, Кэнсиэпсийэҕэ норуоттар икки ардыларынааҕы эбэһээтэлистибэлэр усулуобуйаларыгар кыахтар уонна ночооттор эмиэ көрүллэллэр.
Өрөспүүбүлүкэ парниковай гаастарын антропогеннай быраҕыыларын усулуобуйатыгар, гироэнергетиканы киллэрии суотугар генерация углеродоемкоһын аччааһына, газификация, тырааныспар саҥа көрүҥүн сайдыыта уо.д.а. 2040 сылга диэри сабаҕаланар.
Ол туһугар эрэгийиэҥҥэ нэһилиэнньэлээх пууннары гаастааһын, тырааныспары гаас-мотуор оттугар көһөрүү, БПЛА, уот энергетикатын уонна саҥардыллар энергия источниктарын сайдыыта күүтүллэр.
Тэрээһиҥҥэ алмааһы хостооһуҥҥа аан дойдутааҕы лиидэрэ АЛРОСА АК (ПАУо) уонна атын бырамыысыланнай уонна энергетическай хампаанньалар уопуттара ырытылынна.
“Формирование перспективных систем климатического регулирования в геостратегических территориях ДФО” сиэссийэни СӨ Экэниэмикэ министиэристибэтэ , “АЛРОСА” АК ПАУо Арктикатааҕы научнай-чинчийэр киини, М.Э.Бауман аатынан технологическай университеты, “КОнтур” АУо-ну уонна Kept хампаанньаны кытта тэрийдилэр.
sakha.gov.ru
Сиһилии: https://www.sakha.gov.ru/news/16101
Бу күннэргэ социальнай ситимнэргэ бөрөлөрдөөх видео тарҕаммыта. Онно этэллэринэн, бу бөрөлөрү Дьокуускай куоракка Күөх Хонууга…
Бүлүү улууһун 27 саастаах олохтооҕо кыыс атын кыыс муннун тоһуппутун иһин холуобунай дьыала тэриллибит. Бу…
Ил Дархан Айсен Николаев Саха сирин Национальнай бибилэтиэкэтигэр сырытта. Бу туһунан кини социальнай ситимнэргэ үллэһиннэ.…
2025 сыл бэс ыйын 8 күнүгэр Дьокуускай куорат биир гостиницатыгар быһылыын буолбут. 1993 сыллаах төрүөх…
Саха сиригэр "Земскэй култуура үлэһитэ" бырагыраама 2025 сылтан үлэлиир. Бу бырагыраама чэрчитинэн, өрөспүүбүлүкэ улуустарыгар 2026…
Бүгүн, тохсунньу 20 күнүгэр, Ил Дархан Айсен Николаев "Россия 24" телеханаалга "Прямой разговор" биэриигэ кыттыаҕа.…