Балаҕан ыйын 1 күнүгэр СӨ Ил Дархана Айсен Николаев Ханты-Мансийскайга үлэлээтэ. Ил Дархан «Сургутнефтегаз» публичнай акционернай уопсастыба генеральнай дириэктэрэ Владимир Богдановы кытары көрүстэ.
—«Сургутнефтегаз» 18 сыл устата Саха сиригэр сиртэн хостонор баайдаах сирдэри баһылыыр, сыл аайы 10 мөлүйүөнтэн тахса туонна ньиэби хостуур. Билигин хампаанньа Ленскэй, Мииринэй, Өлүөхүмэ, Сунтаар уонна Булуҥ улуустарыгар чинчийэр үлэни көхтөөхтүк ыытар. Инники былааннарга геология чинчийэр үлэлэрин сайыннарыы, ол иһигэр өрөспүүбүлүкэ Арктикатын зонатыгар, киирэр. «Сургутнефтегаз» Саха сиригэр нолуогу төлөөччүнэн АЛРОСА хампаанньа кэнниттэн иккис миэстэҕэ иһэр, биһиги өрөспүүбүлүкэбит сайдыытыгар сүҥкэн кылаатын киллэрэр.
Билигин «Сургутнефтегаз» хампаанньаҕа 1,5 тыһыынча кэриэтиэ Саха сирин олохтооҕо үлэлиир, биһиги арҕаа оройуоннарбыт сайдаллар. Биһиэхэ, хотугу сир дьонугар хампаанньа экологияҕа эппиэтинэстээх сыһыаҥҥа холобур көрдөрөрө олус суолталаах, — диэтэ Айсен Николаев.
Бырамыысыланнас министиэристибэтигэр бэлиэтиээн эппиттэринэн, Саха сирэ кэнники сылларга ньиэби хостооһуҥҥа үрдүк көрдөрүүлэри ситистэ, эрэгийиэн былырыын муҥутуур чыпчаалга тиийэн, 17,3 мөлүйүөн туонна ньиэби хостообута. Ити, чуолаан Ленскэйдээҕи ньиэп-гаас конденсаттаах сири туһаныыны арыйыы уонна хостооһуну саҕалааһын көмөтүнэн ситиһиллибитэ. Бу сиргэ 40 мөлүйүөн туоннаттан тахса ньиэп саппааһа баар. Бүтэһик арыйыылартан биирдэстэрин«Сургутнефтегаз» ПАУо арыйбыта. Хампаанньа өрөспүүбүлүкэ сиригэр-уотугар инвестицияны угар. Аҥаардас 2021 сыллаахха хампаанньа 25 миллиартан тахса солкуобайы инвестициялаабыта. Тэрилтэ өйөбүлүнэн Дьокуускайга Тыа хаһаайыстыбатын судаарыстыбаннай академиятын иккис уочараттаах дьиэтэ, Богородица таҥара дьиэтэ уонна Дьокуускайдааҕы духуобунай училище комплекстара тутуллубуттара. Хампаанньа Дьокуускайга «Чолбон» аныгы бассейны тутарга үбү көрбүтэ, Таалай күөлү туоруур муоста тутуллубута. Билигин ньиэби хостооччулар бөһүөлэктэринэн ааттанар Ленскэй улууһун Витим бөһүөлэгэ хампаанньаҕа биир дьоһун суолталааҕынан буолар. Манна «Сургутнефтегаз» уопсай үөрэхтээһин уонна оҕо уһуйаанын дьиэлэрин, саҥа олорор дьиэлэри, тутуулары үбүлээбитэ, бөһүөлэк киин уулуссаларын аспааллаабыта уонна Таалакаан аэропордугар үлэни ыыппыта.
Тимир болгуону уһаарар түһүлгэлэригэр дьахталлары киллэрбэттэр эбит. Онон саха тимир уустара тимир болгуону уһааран таһаарар…
Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир…
От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. …
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ. Дьааҥы улууһун…
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …