Саха сирэ уонна Татарстаан өрөспүүбүлүкэлэрэ — Арассыыйа бигэ тирэҕэ

Дьокуускайга Комсомольскай болуоссакка XXV үбүлүөйдээх федеральнай Сабантуй бэрт далааһыннаахтык буола турар.
Үөрүүлээх быһыыга-майгыга үбүлүөйдээх Сабантуй аһыллыыта буолла.

«Татаар уонна саха норуоттара түүр норуот быһыытынан өрүү доҕордууларын, сомоҕолоһууларынан күүстээхтэр. Өссө да бу доҕордоһуу үйэлэр тухары сайда туруоҕа», — диэн бэлиэтээтэ Ил Дархан Айсен Николаев бэйэтин эҕэрдэ тылыгар.
Оттон Татарстан баһылыга Рустам Минниханов «Татарстан уонна Саха сирэ Арассыыйа бигэ тирэҕинэн буолар эрэгийиэннэр. Биһиги бырааттыы норуоттар быһыытынан сомоҕолоһуу холобурун көрдөрөн, бэйэ бэйэбитигэр өрүү өйөбүл буолабыт» , — диэн эттэ.
Икки доҕордуу өрөспүүбүлүкэлэр аҕа баһылыктара мас тардыһыытын уонна хапсаҕай күрэхтэһиитин, араас быыстапкалары көрдүлэр.
Бу чааска успуорт күрэхтэһиитэ уонна икки бырааттыы өрөспүүбүлүкэлэр култуурунай тэрээһиннэрэ тэҥинэн ыытылла турар.