Хаартыска: Ирина Мотина түһэриитэ, РИА-Сонуннар агентство.
Бу сыл бэс ыйын 5-8 күннэригэр XXVII Санкт-Петербурдааҕы норуоттар икки ардыларынааҕы экэнэмиичэскэй пуорумҥа (ПМЭФ) Саха сирин бэрэстэбиитэллэрэ кыттыыны ылыахтара.
Быйыл ПМЭФ чэрчитинэн 140 дьыалабыай тэрээһин, ол иһигэр панельнай сиэссийэлэр, төгүрүк остуоллар уонна биисинэс кэпсэтиилэр ыытыллаллара былааннанар.
Саха Өрөспүүбүлүкэтин бэрэстэбиитэллэрэ үгэс быһыытынан пуорум сиэссийэлэригэр, ол иһигэр Арктиканы сайыннарыыга, эрэгийиэн инновационнай кыаҕыгар, алмаас-бирилийээн салаатыгар БРИКС дойдуларын кытта бииргэ үлэлээһиҥҥэ, онтон да атын боппуруостарга спикер быһыытынан көхтөөхтүк кыттыахтара.
Саха сирэ ПМЭФ бастайааннай кыттыылааҕа. Былырыын өрөспүүбүлүкэ уопсай суумата 93 млрд солкуобайга 12 сөбүлэһиигэ илии баттаспыта. Ол барыта билиҥҥи кэм экэниэмикэтин сайыннарыыга туһаайыллыбыта.
Санатан эттэххэ, саамай суолталаахтар кэккэлэригэр Мииринэй оройуонугар гиэлийи ылҕаан ылар сыаллаах айылҕа гааһын уларытан оҥорор комплексы өрөспүүбүүлкэҕэ тэрийэр туһунан “АЛРОСА” ПАО-ны уонна “ДББ” ХЭУо кытта сөбүлэһиигэ илии баттаспыта буолар. Ону кытта Дьокуускайга “Школа 21. Якутия” автономнай кэммиэрчэскэйэ суох тэрилтэни тэрийэр туһунан “Сбербаан” ПАО кытта сөбүлэһии түһэрсиллибитэ. 2023 сыл сэтинньититтэн 18 сааһыттан үөһээ саастаах Саха сирин олохтооҕо «Сбер» уопутун, эспэртииһэтин уонна СӨ ресурсаларын туһанан ИТ эйгэтигэр босхо үөрэҕи ылар кыахтанна.
РФ Бэрэсидьиэнэ Владимир Путин сорудаҕынан оҥоһуллубут Дьокуускай куораты сайыннарар маастар-былаан бырайыагын олоххо киллэриигэ РФ Уһук Илини, Арктиканы сайыннарыыга министиэристибэтин кытта уопсай кэриҥэ 23 млрд солк. диэри инвестициялаах “Уһук Илиҥҥи концессия” мэхэньииһимигэр олоҕуран, куорат эбийиэктэрин оҥорор уонна уларытан оҥорор туһунан сөбүлэһиигэ илии баттаммыта. Ол бырайыактар истэригэр тас сырдатыылар тиһиктэрин саҥардыы, култуура уонна сынньалаҥ пааркаларын тупсарыы, киинэ павильонун тутуу, о.д.а. бааллар.
Санкт-Петербурдааҕы экэнэмиичэскэй пуорум былаас уонна биисинэс бэрэстэбиитэллэрэ кэпсэтэр, Арассыыйа, сайда сатыыр ырыынактар, аан дойду иннилэригэр турар улахан суолталаах экэнэмиичэскэй боппуруостары быһаарсар былаһааккалара буолар.
XXVII Санкт-Петербурдааҕы норуоттар икки ардыларынааҕы экэнэмиичэскэй пуорум бу сыл бэс ыйын 5-8 күннэригэр Санкт-Петербург куоракка ыытыллыаҕа. Сүрүн тиэмэтэ – «Основа многополярности – формирование новых центров роста». Тэрээһиҥҥэ РФ Бэрэсидьиэнэ Владимир Путин кыттыыны ылыаҕа.
2024 сыллааҕы дьыалабыай тэрээһиннэр сүрүн бырагыраамалара элбэх полярнай моделлаах аан дойду экэниэмикэтигэр көһүүгэ, Арассыыйа экэниэмикэтин саҥа сыалыгар-соругар, судаарыстыба суолта биэрэр хайысхаларыгар, бастыыры хааччыйар технологияларга ананыахтара диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…
Балаҕан ыйа. Киһи ордук күһүҥҥү уһун киэһэлэргэ санааҕа-онооҕо ылларан, ханна эрэ сылаас дойдуга, саҥа эйгэҕэ,…