Саха сирэ «ЯК-14» пилота суох платформалары ыытта

СӨ Суһал ыстааба анал байыаннай дьайыы кыттыылаахтарын малынан, сэбинэн-сэбиргэлинэн уонна анал оборудованиенан эбии хааччыйыыга үлэтин салгыыр.

«РФ Илиҥҥи байыаннай уокуругун бэрэстэбиитэллэринэн Саха сирин оҥорооччуларынан таҥыллыбыт аныгы технологиялаах саҥа оҥоһуктара, ол иһигэр «камикадзе» дроннар уонна «ЯК-14» пилота суох платформалар байыаннай дьайыы зонатыгар тиэрдиллибиттэр», — диэн СӨ Гражданскай оборуона уонна нэһилиэнньэ олоҕун куттала суох буолуутун миниистирэ Дмитрий Лепчиков иһитиннэрдэ.

Кини маннык үлэ саха инженердарын кытта холбоһуктаах үлэлэрин түмүгэ буоларын иһитиннэрдэ. Оҥоһуктар тургутууну ааспыттар уонна анал байыаннай дьайыы зонатыгар туһаныллыбыт уопуттаахтар.

«ЯК-14» — бу араас таһаҕаһы, бааһырбыттары эвакуациялыырга, байыаннай сэбилэниини дистанционнай туһаныыга автономнай робот. Итини сэргэ өстөөҕү утары «камикадзе» робот быһыытынан туһаныллыан сөп»,-диэн миниистир быһаарда. Сиһилии манна аах.