Хаартыска: Мария Васильева, ЯСИА.
Ил Дархан өрөспүүбүлүкэҕэ ыытыллар улахан тэрээһиннэргэ бэйэтин санаатын эттэ.
“Билигин улахан тэрээһиннэр эрдэттэн былааннанан, үптэрэ көрүллэн, тэрээһиннээхтик ыытыллаллар. Быйыл Тааттаҕа буолаары турар “Манчаары оонньууларын” улахан эбийиэктэрэ барыта кэмигэр тутуллан үлэҕэ киирэр буоллулар, ону таһынан Ытык Күөлгэ улахан оскуола, балыыһа тутулунна, суоллара оҥоһулунна. Онон оонньууларынан сибээстээн, урукку сылларга ситэ тутуллубакка турбут эбийиэктэр аҕыйах сыл иһигэр тутулуннулар”.
Ил Дархан ордук олохтоохтор үөрүүнү кытта тэҥҥэ үлэлэһэллэрин, биир санаанан туруна сылдьалларын бэлиэтээтэ. Арай федеральнай суол туруга кутталлаах, ол гынан баран айылҕа ардаҕы аҕаллын-аҕалбатын, суол үлэлиэхтээх диэн тоһоҕолоон эттэ.
Айсен Николаев Дьокуускайга, Нерюнгрига, Сунтаарга буолуохтаах улахан ыһыахтарга эмиэ тохтоото. Бэлэмнэнии үлэлэр эмиэ эрдэттэн барбыттарын эттэ.
Итиэннэ Ил Дархан бар дьонугар баҕа санаатын ыытта:
«Ыһыахтарга этиллэр алгыстар дьоҥҥо-сэргэҕэ тиийдиннэр, Сахабыт сиригэр дьолу-соргуну аҕаллыннар, үчүгэй быйаҥнаах сайын буоллун. Уонна саамай баҕам диэн биһиги туспутугар байыаннай дьайыыга сылдьар уолаттарга күүстэригэр күүс эбилиннин, түргэнник кыайыылаах-хотуулаах дойдуларыгар этэҥҥэ төннөллөрүгэр баҕарабын».
Өрөспүүбүлүкэ Алдан, Хаҥалас, Ньурба улуустарыгар быйыл дьахтар консультациятын үс кэбиниэтэ аһыллыаҕа. Аныгы тиэхиньикэлэрэ «Дьиэ кэргэн»…
Сутуругар сокуоннаах АХШ аны Венесуэла былааһын кынчарыйар.
Алтынньы 11-13 күннэригэр Краснодар куоракка Арассыыйа успуордун үтүөлээх маастара Бесик Кудухов кэриэһигэр 21 саастарыгар диэри…
Дьокуускай куорат бэтэринээрийэҕэ управлениета сэтинньи 31 күнүгэр диэри дьиэ кыылларыгар (ыттарга, куоскаларга) босхо маркировка (чиптээһин)…
«Аҕа дойдуну көмүскээччилэр» пуондаҕа бойобуой дьайыы бэтэрээннэригэр уонна өлбүт, сураҕа суох сүппүт байыаннай сулууспалаахтар дьиэ…
Үөһээ Дьааҥы улууһугар соҕотоҕун олорор биэнсийэлээх эр киһи сураҕа суох сүппүт. Кини Үҥкүр сэлиэнньэтиттэн Бала…