Хаартыска: sakha.gov.ru
Өрөспүүбүлүкэҕэ ойуур баһаарын умуруорууга 800- чэ киһи үлэлиир. 40 тиэхиньикэ тардылынна. Бу туһунан Экологияҕа, айылҕа харыстабылыгар уонна ойуур хаһаайыстыбатын министирин солбуйааччы Андрей Коноплев иһитиннэрдэ.
Сууккаҕа уопсайа 7 ойуур баһаара Амма, Бүлүү, Нерюнгри, Томпо, Уус Алдан улуустарыгар 2,8 тыһыынча га иэннээх сиргэ умуорулунна. Ити кэмҥэ 12 ойуур баһаара Алдан, Амма, Үөһээ Бүлүү, Мэҥэ Хаҥалас, Мииринэй, Өймөкөөн, Өлүөхүмэ, Уус Маайа улуустарынан 1 182,7 га сиргэ күөдьүйдэ.
Сууккаҕа 125 791 га иэннээх сиргэ 58 ойуур баһаара турбута биллэр: 11 – Алдан, Өлүөхүмэ оройуоннарыгар, 10 –Нюрюнгри оройуонугар, 5 – Кэбээйи оройуонугар, 2-лии — Үөһээ Дьааҥы, Амма, Мииринэй, Томпо, Уус-Маайа оройуоннарыгар, 1-дии – Булуҥ, Эдьигээн, Үөһээ Бүлүү, Горнай, Өлүөхүмэ, Эбээн Бытантай оройуоннарыгар.
«Билигин нэһилиэнньэлээх пууннарга куттал суоһаабат», — диэтэ Андрей Коноплев. Мантан 1 тыһыынчаттан тахса гектар иэннээх сиргэ 4 ойуур баһаара Бүлүү, Үөһээ Бүлүү, Мииринэй, Мэҥэ Хаҥалас оройуоннарыгар умуруорулунна.
Салгыы зондировщик сөмөлүөттэр туһаныллаллар. «Полярные авиалинии» Ан-26 сөмөлүөтүн Өлүөнэ өрүс уҥуоргу оройуоннарга, «Росгидромет» хампаанньа Як-40 сөмөлүөтүн Горнай, Бүлүү, Үөһээ Бүлүү уонна Өлүөхүмэ оройуоннарыгар көтүтэр былааннаахтар. Бе-200 амфибия сөмөлүөтэ Дьокуускай куоракка дьуһуурустубаҕа ылылынна.
Саха сиригэр бэс ыйын 11 күнүттэн эрэгийиэннээҕи таһымнаах ыксаллаах быһыы-майгы эрэсиимэ биллэриллибитэ. Муниципальнай таһымнаах эрэсиим Өлүөхүмэ уонна Томмот улуустарыгар салгыы үлэлиир. Бу иннинэ Амма оройуонугар биллэриллибитэ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…