Саха сиригэр кыһыҥҥы массыына суола хаһан аһыллыаҕай? Туох үлэ ыытылларый?
Быйыл Саха сиригэр 10 тыһыынча км тахса массыына кыһыҥҥы суола үлэлиэҕэ, итинтэн 2 тыһ км кэриҥэ хайыы үйэ аһылынна. Кыһыҥҥы суолу арыйыы үлэтин хаамыытын өрөспүүбүлүкэ бырабыыталыстыбатын бэрэссэдээтэлин Андрей Тарасенко ыыппыт сүбэ мунньаҕар дьүүллэстилэр.
Бүлүү өрүһү туоратар 4 суолу уонна Алдан өрүскэ 4 туоннаҕа диэри уопсай уйуктаахтарга туорааһыны ахсынньы 1 күнүгэр арыйыахтара. Халыма массыына суолугар Өлүөнэни туорааһыны 10 туоннаҕа диэри уйуктаахтарга тохсунньу 5 күнүгэр арыйаллара күүтүллэр.
Ону тэҥэ Саха сирин Тырааныспарка министиэристибэтэ иһитиннэрэринэн, ахсынньы 20 күнүттэн Саха сирин Таас Үрэх бөһүөлэгиттэн Иркутскай уобалас Верхнемарково бөһүөлэгэр диэри кыһыҥҥы кутуу суолунан тиийиэхтэрэ.
Дьокуускай-Аллараа Бэстээх өрүс суолугар тохтоотоххо, билигин өрүс сүнньүгэр сатыы трасса торумнанар уонна кытылтан кыдьымахха диэри мууһу тоҥоруу ыытыллар. Кыдьымахха диэри кутан баран, тыраахтарынан ыраастыахтара.
Ахсынньы 10 күнүгэр 3 туонна уйуктаах массыыналарга “Умнас-Хатас”—“Өлүөнэ” массыына суолун 1154 км” туһаайыынан Өлүөнэни туоруохтара. Ахсынньы 20 күнүгэр диэри — 20 т диэри, ахсынньы 28 күнүгэр диэри – 30 т диэри, 2023 сыл олунньу 6 күнүгэр – 40 туонналаахтарга кыһыҥҥы суол аһыллыаҕа.
Бүгүҥҥү туругунан Саха сиринээҕи эрэгийиэннээҕи массыына суолун ситимигэр кыһыҥҥы массыына суолун 94 учаастага киирэр, ол иһигэр 10927 км усталаах мууһунан биэс туорааһын.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Мария Васильева (СИА) түһэриитэ
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…