Хаартыска: sakha.gov.ru
Саха сиригэр көмүһү хостооһун кээмэйэ 100 сыл иһигэр 2 100 туоннаны куоһарда. Бу туһунан «Золотой век Якутии» үбүлүөйдээх пуорум былаһааккатыгар Бырабыыталыстыба бэрэссэдээтэлин бастакы солбуйааччы Дьулустан Борисов иһитиннэрдэ, диэн СӨ Ил Дарханын уонна Бырабыыталыстыбатын пресс-сулууспата суруйар.
«Былырыын Саха сирэ 50 туонна көмүһү хостообута уонна Арассыыйаҕа иккис көмүһү оҥорооччунан ааттаммыта. Нолуок үбүн кээмэйинэн өрөспүүбүлүкэ бүддьүөтүгэр үһүс миэстэни ылар уонна б17 млрд солк. кэриҥэ үбү-харчынын киллэрэр», — диэн бэлиэтээн эттэ эрэгийиэн бастакы вице-премьерэ.
Дьулустаан Борисов этэринэн, 2023 сылга көмүһү хостуур салааҕа инвестицияны киллэриигэ рекорд олохтоммута – 53,2 млрд солкуобай, ол эбэтэр 2022 сылтан 20 млрд солк. ордук. Кэнники биэс сылга көмүһү хостооһуҥҥа инвестиция кээмэйэ барыта 145 млрд солк. кэриҥэ буолла.
Бастакы вице-премьер Ил Дархан Айсен Николаев көҕүлээбит уонна дойду Бэрэсидьиэнэ Владимир Путин өйөөбүт «Геология: возрождение легенды» федеральнай бырайыак чэрчитинэн, Уһук Илин уонна Сибиир геологоразведкатыгар 2025-2027 сылларга 41 млрд солк. көрүллэрин иһитиннэрдэ. РФ үс сыллаах бүддьүөтүгэр геологическай- чинчийэр үлэлэргэ 18 млрд солк. кэриҥэ көрүллүбүт, ол эбэтэр 26 кэскиллээх эбийиэктэри чинчийэргэ көмөлөһүө.
«Айылҕа ресурсалара Саха сирин экэнэмиичэскэй үүнүүтүн уонна сайыннарыытын сүрүн эйгэтинэн буолар. 2023 сыллаахха баалабай эрэгийиэннээҥи бородууктаҕа хостуур бырамыысыланнас кээмэйэ 62,5% тэҥнэстэ, сүрүн хапытаалга инвестиция уопсай кээмэйэ 50,5% уонна экэниэмикэҕэ дьарыктаах дьон ахсаана 24,9% буолла», — диэн бэлиэтээтэ Дьулустаан Борисов.
Сиһилии манна аах.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…