Хаартыска СӨ тырааныспакка министиэристибэтин ханаалыттан
Эрэгийиэннээҕи суол ситимин сайыннарыы бырагырааматын чэрчитинэн, 2025 сылга 22 улууска суол инфраструктуратын тупсарыыга өрөспүүбүлүкэ Суол пуондатыттан 916 мөл. солк. суол инфраструктуратын тупсарыыга көрүллүбүтэ. Бу үп-харчы олохтоох суолу тутууга, капитальнай өрөмүөнү ыытыыга уонна көрүүгэ-истиигэ ананар диэн СӨ тырааныспарка уонна суол хаһаайыстыбатыгар министиэристибэтэ иһитиннэрэр.
Уопсайа быйыл 114 килэмиэтирдээх олохтоох суоллары саҥардыы уонна көрүү-истии үлэтэ түмүктэнэрэ былааннанар. Итинтэн 20-чэ килэмиэтир быйыл саҥа саҕаламмыт бырайыактар, оттон атыттара уопсайа 94 килэмиэтиртэн тахса суоллар урукку кэмнэртэн (2023 уонна 2024 сыллар) хаалбыттар салҕаналлар.
Былааннаммыт 55 бырайыактан 31-гэр үлэ түмүктэннэ, уопсайа 390 мөлүйүөн солкуобай үбүлэннэ, бу 2025 сылга былааннаммыт өрөмүөн кээмэйин 42,5% тэҥнэһэр.
Быйылгы сылга улахан суолталаах бырайыактарынан: Таатта улууһун Ытык-Күөл нэһилиэгэр муостаны өрөмүөннээһин, Ньурба улууһугар Чуукаар – Быһыттаах суоллара, Бүлүү куоратыгар Попов уонна Интернациональнай уулуссалар, Дьааҥы улууһун Сартаҥ нэһилиэгэр Гаврил Слепцов, Речной уонна Юнкюрскай уулуссаларыгар уонна Өлүөхүмэ улууһун Даппарай – Токко суолларын саҥа учаастагын тутуу буолаллар.
Маны таһынан, Уус Алдан улууһун Бороҕон сэлиэнньэтигэр Ленин уулуссата, Чурапчы улууһун Чурапчы сэлиэнньэтин Ярославскай уулуссата, Таатта улууһун Ытык-Күөл сэлиэнньэтигэр Мординов уулуссалара аспаалламмыттар.
Кэлиҥҥи сылларга СӨ тырааныспарка министиэристибэтэ муниципальнай тэриллиилэргэ суолу оҥорууга уонна өрөмүөннээһиҥҥэ өйөбүлү биллэ улаатыннарда. Муниципалитеттар суол тутуутугар сыллата өрөспүүбүлүкэтээҕи Суол пуондатыттан субсидия ылаллар.
Арассыыйаҕа 2026 сыл тохсунньу 1 күнүттэн страховой биэнсийэ 7,6% үрдүөҕэ. Бу туһунан Госдуума дьокутаата Алексей…
Ааспыт сууккаҕа Дьокуускайга сэттэ суол саахала буолбутун, онно икки киһи эчэйбитин туһунан киин куораттааҕы ГАИ…
Ньурба улууһун леснигэ Артём Семенов анал байыаннай дьайыы кыттыылаахтарын өйүүр Ньурба улууһун пуондатыгар харчынан көмөнү…
2022 сылтан «ВОИН» кииҥҥэ 108 тыһыынча курсаан, ол иһигэр 50 тыһ. тахса курсаан 2025 сылга…
Ааспыт сууккаҕа Саха сиригэр түөрт буруйу оҥоруу буолбутун туһунан СӨ Борокуратуурата иһитиннэрэр. Дьокуускайга 170 тыһ.солк.…
Бүлүүгэ ахсынньы 4 күнүгэр көҥүл тустууга Европа чөмпүйэнээтин икки төгүллээх призерун, устудьуоннарга аан дойду чөмпүйүөнүн…