Саха сиригэр 11 ойуур баһаарын умуруордулар

Саха сиригэр кэнники сууккаҕа 11 ойуур баһаара умуруорулунна. Уот хаппыт уопсай иэнэ 19 379 га.  15 ойуур баһаара (иэнэ 1 350 га) булулунна.

Сарсыардаттан 99 ойуур баһаара баара бэлиэтэммит. Уот хаппыт уопсай иэнэ 189 121,7 га.

Билиҥҥи туругунан уопсайа 140 122,7 га иэннээх сиринэн 47 баһаары умуруорууга үлэ ыытыллар. Итинтэн 11 ойуур баһаара (3870 га иэннээх сиринэн тайаабыт) бохсуллубут.

Уоту утары үлэҕэ 1 298 киһи, 45 тиэхиньикэ, авиация үлэлииллэр.

Бүгүҥҥү иһитиннэриинэн, 2021 сыллаахха баччаларга, уопсайа 4,3 мөл. га иэннээх сири хаппыт 1346 ойуур баһаара бэлиэтэммит.

СӨ Ил Дархан уонна Бырабыыталыстыба пресс-сулууспата