Хаартыска sakha.gov.ru ылылынна
Ойуур уотун умуруорууга 1 536 киһи үлэлиир. Бу туһунан СӨ бастакы вице-премьерэ Дмитрий Садовников брифиҥҥэ эттэ.
Уоту умуруорууга 58 тиэхиньикэ уонна авиация үлэлииллэр. Тоҕус бөртөлүөт уоту умулларыыга үлэлиир, 4 сөмөлүөт баһаары кэтээн көрүүгэ сылдьар. Оттон өрөбүллэргэ зондировщик-сөмөлүөт Өлүөхүмэҕэ үлэлээтэ.
Суукка устатыгар уопсайа 3 542,2 га иэннээх сиринэн тайаабыт 12 баһаары умуруордулар. Оттон 1 607,5 га иэннээх сири хаппыт 8 ойуур баһаара булулунна.
Күн саҕаланыаҕыттан 127 ойуур баһаара ( иэнэ 366 883,3 га) уонна 1 ландшафтнай (2,2 га иэннээх) баһаар бэлиэтэммиттэр.
Билиҥҥи туругунан 60 баһаары (260 тыһ га) умуруорууга үлэ ыытыллар. Итинтэн 8 (уопсайа 3,5 тыһ га) бохсуллубут.
Дьокуускай куорат, киин, өрүс уҥуор уонна Бүлүү бөлөх оройуоннар буруонан бүрүлүннүлэр. Бу Амур уобалаһын уонна Хабаровскай кыраай диэкиттэн, ону таһынан Саха сирин соҕуруулуу-илин өттүттэн тыалырарынан диэн быһаарар маны Дмитрий Садовников.
Суһал ыстааптан иһитиннэрэллэринэн, ойуур баһаарын сезона саҕаланыаҕыттан өрөспүүбүлүкэҕэ 742 ойуур баһаара (уот хаппыт уопсай иэнэ 1,4 тыһ га) бэлиэтэммит. 2021 сыллаахха бу кэмҥэ 1472 ойуур баһаара (6,1 мөл га) бэлиэтэнэн турар.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…