Саха сиригэр 12 сөмөлүөт ойууру ботурууллуур

Саха сиригэр ойуур баһаардарын умуруорууга үлэ ыытыллар. Балаҕан ыйын 11 күнүгэр 12 сөмөлүөт ботурууллуур. Баһаары умуруорууга икки бөртөлүөт үлэлиир диэн Ил Дархан уонна Бырабыыталыстыба дьаһалтатын пресс-сулууспата иһитиннэрэр.

Бүгүн сарсыардааҥҥы туругунан, өрөспүүбүлүкэҕэ барыта холбоон 9 тыһ.гектар иэннээх сиринэн 13 ойуур баһаара баар: Өлөөҥҥө — 3, Бүлүүгэ, Кэбээйигэ уонна Орто Халымаҕа — 2-лии, Үөһээ Бүлүүгэ, Намҥа, Өлүөхүмэҕэ, Томпоҕо — 1-дии.

Баһаары умуруорууга 200-чэ киһи, үс тиэхиньикэ үлэлиир. Суукка устата 128 га иэннээх үс баһаары умуруорбуттар.