Хаартыска: sakha.gov.ru
Саха сиригэр ойуур баһаардарын умулларыыга 1248 киһи кыттар. Бу туһунан брифиҥҥэ Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев иһитиннэрдэ.
Уоту умулларыыга “Авиалесоохрана” ГБТ, “Якутлесресурс” ГАУ, Арассыыйа ЫБМ СӨ управлениета, Саха сирин быыһыыр сулууспата, Баһаары утары судаарыстыбаннай сулууспа үлэһиттэрэ кытталлар. Өрөспүүбүлүкэҕэ федеральнай “Авиалесоохрана” уонна атын эрэгиийэннэртэн парашютнай-десантнай сулууспа үлэһиттэрэ кэлбиттэрэ.
61 тиэхиньикэ уонна авиация туһаныллар. Чуолаан, “Полярные авиалинии” авиахампаанньа “Атмосфера” Ан-26 Орто Халыма оройуонугар баазаланар. Бу күннэргэ көтөр аал Халыма-Индигиир оройуоннарыгар искусственнай ардаҕы түһэриэҕэ.
Суукка устата уоту кытта охсуһааччылар Дьааҥы уонна Усуйаана оройуоннарыгар уопсайа 406 гектар иэннээх сиргэ 3 баһаары умуллардылар. Авиациянан уонна космическай кэтээн көрүү кэмигэр 9833 гектарга 33 саҥа баһаар күөдьүйбүтүн буллулар. Өлүөхүмэ оройуонугар 4 баһаары хаптаттылар.
Бүгүн Орто Халымаҕа, Үөһээ Халымаҕа, Абыйга, Усуйаанаҕа, Муомаҕа элбэх сиргэ уот турбута билиннэ. Санатахха, өрөспүүбүлүкэҕэ бэс ыйын 11 күнүттэн эрэгийиэн көрүҥнээх ыксаллаах быһыы-майгы эрэсиимэ олохтоммута. Маннык эрэсиим Үөһээ Халыма, Уус Маайа, Орто Халыма, Томпо, Өлүөхүмэ оройуоннарыгар биллэриллибитэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…