Саха сиригэр 13 ойуур баһаара умайа турар

Суукка устата Саха сиригэр уоту бохсооччулар өссө 4 ойуур баһаарын умуруордулар. Ойуур баһаара турбут иэнэ 367 гектар кэриҥэ. Ол кэмҥэ 1,5 гектар иэннээх 1 саҥа ойуур баһаара көһүннэ. Бу туһунан суһал ыстаап иһитиннэриитинэн sakha.gov.ru суруйар.

Сарсыардааҥы туругунан өрөспүүбүлүкэ сиригэр-уотугар уопсайа 15 948 гектар иэннээх 13 ойуур баһаара умайа турар: 4 – Орто Халыма улууһугар, 2 – Өлөөн улууһугар, биирдиилээн – Үөһээ Дьааҥы, Эдьигээн, Кэбээйи, Мииринэй, Өлүөхүмэ, Уус Алдан, Томпо улуустарыгар. Олортон 1 ойуур баһаара бохсулунна.

Санатан эттэххэ, былырыын бу күннээҕи туругунан 43 147 гектар иэннээх 5 ойуур баһаара умайа турара. Ойуур баһаарын умуруорууга 294 киһи уонна 2 сиринэн сылдьар тиэхиньикэ тардыллыюыта. Авиация эмиэ үлэлиир.