СИА хаартыската
Бу туһунан ыксаллаах быһыыны-майгыны сэрэтэргэ уонна суох оҥорорго, баһаартан сэрэхтээх буолууга хамыыһыйа мунньаҕар этилиннэ.
Суукка саҕаланыаҕыттан өрөспүүбүлүкэ сиригэр-уотугар 14 ойуур баһаара умуруоруллубут (уот хаппыт иэнэ 10 831 га) уонна 10 баһаар бохсуллубут (уот хаппыт иэнэ 42 тыһ.га).
—Бүгүҥҥү күҥҥэ өрөспүүбүлүкэ сиригэр-уотугар 81 ойуур баһаара 16 улууска баар. Уоту умуруорууга 1576 киһи, 150 тиэхиньикэ үлэлиир. Ону сэргэ авиация уоту умуруорааччылары таһар, уоту кэтээн көрөр, — диэн иһитиннэрэр СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников.
Ойуур баһаарын умуруоруу үлэтин туһунан Бүлүү, Үөһээ Бүлүү, Ленскэй, Өлүөхүмэ, Сунтаар улуустарын бэрэстэбиитэллэрэ иһитиннэриилэри оҥордулар.
Ойуур уотун кэтээн көрүүгэ, ботурууллааһыҥҥа 9 салгын аала үлэлиир, умуруорууга Ми-8 тоҕус бөртөлүөт көтөр. Бе-200 Ленскэй улууһугар үлэлиир.
Санатан эттэххэ, өрөспүүбүлүкэ сиригэр-уотугар федеральнай уонна өрөспүүбүлүкэ таһымнаах ыксаллаах быһыы-майгы эрэсиимэ салҕанар. Ыксаллаах быһыы-майгы эрэсиимэ Бүлүү, Үөһээ Бүлүү, Дьааҥы, Горнай, Кэбээйи, Сунтаар, Ленскэй, Өлүөхүмэ улуустарыгар биллэриллибитэ.
СӨ Ил Дарханын уонна Бырабыыталыстыбатын пресс-сулууспата
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…