Саха сиригэр 150 быыһааччы халаан уута куттала суох ааһыытын туһугар улуустарынан үлэлии барыахтара

Бүгүн Дьокуускайга Саха сиринээҕи Быыһыыр сулууспаларын бөлөхтөрүн сыл ахсын төһө бэлэмнээхтэрин көрөр бэрэбиэркэ ыытылынна.

Ол курдук, Саха сирин Быыһыыр сулууспаларын бөлөхтөрө халаан уута куттала суох ааһыытын туһугар төһө бэлэмнээхтэрин көрдүлэр. Бу строевой көрүүгэ СӨ Гражданскай оборуонатын уонна нэһилиэнньэ олоҕор куттала суох буолуутун хааччыйар министиэристибэ миниистирэ Дмитрий Лепчиков кыттыыны ылла.  Тэрэһин сүрүн соругунан  дьиҥнээх уустук усулуобуйаҕа төһө бэлэмнэрин тургутуу буолла. Бу сыл ахсын ыытыллар тэрээһин улуустарынан арахсан барыах иннинэ оҥоһуллар.  Тэрэһин кэмигэр үгэс быһыытынан аварийнай-быыһыыр тэриллэр, инвентарь хас бөлөх ахсын төһө баарын, ону сэргэ быыһыыр тиэхиньикэлэр бэрэбиэркэлэннилэр. Уопсайа 156 быыһааччы, 25 тиэхиньикэ, 18 устар тэрил кыттыаҕа. Быыһыыр сулууспа быыһааччылара соруктарга бэлэмнэр диэтэ Дмитрий Лепчиков, диэн Гражданскай оборуона министиэристибэтин пресс-сулууспата суруйар.