Николай Борисов, ЯСИА
Быйыл тохсунньуга хааччах киирбитин кэннэ, Саха сирин маҕаһыыннарыгар 1500 кэриҥэ бобуллубут «Nestle» бородууксуйата булулунна. Уопсайа 500-тэн тахса атыы-эргиэн пууна көрүлүннэ диэн Роспотребнадзор эрэгийиэннээҕи салалтата иһитиннэрдэ.
Биэдэмистибэ иһитиннэриитинэн, бобуллубут оҕо аһын көрүҥнэрэ Хаҥалас, Нам, Өлүөхүмэ, Алдан, Нерюнгри оройуоннарыгар, ону тэҥэ Дьокуускай куоракка көһүннүлэр. Атыыһыттарга атыыны тохтоторго дьаһал бэрилиннэ, оттон бородууксуйалары төннөрөллөр. Бэрэбиэркэлэр салҕаналлар, Роспотребнадзор балаһыанньаны хонтуруолга тутар.
Санаттахха, 2026 сыл тохсунньу 6 күнүттэн Арассыыйаҕа «Nestle» оҕо аһыгар анаммыт сорох бородууксуйатын киллэриигэ быстах кэмҥэ хааччах киирбитэ. Бу бородууксуйаҕа кутталлаах цереулид токсина баар буолуон сөбүн кытта сибээстээх.
Хампаанньа табаар чопчу баартыйаларын төннөрүүтүн саҕалаата. Манна бородууксуйа аҕыс көрүҥэ киирэр: NAN 1 уонна 2 OPTIPRO, NAN Supreme, NAN EXPERPRO, лактозата суох NAN, PreNAN, Nestogen Комфорт уонна Alfare Amino. Роспотребнадзор испииһэгэр киирбит уонна 2025 сыл муус устар 15 күнүттэн сэтинньи 27 күнүгэр диэри оҥоһуллубут эрэ табаардар бобуллууга түбэстилэр. Бу мааркалар атын бородууксуйалара, ону тэҥэ «Nestle» атын табаардара куттала суохтар диэн Роспотребнадзорга бэлиэтээтилэр.
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…